23 BDP'î hatin girtin

26/12/2009

AMED - Li gel 7 şaredarê BDP'î, Hevserokê KCD'ê Hatîp Dîcle û Cîgirê Serokê Giştî yê ÎHD'ê Muharrem Erbey 23 kes hatin girtin, 5 kes jî serbest hatin berdan. Li gel 9 şaredarê BDP'î, Hevserokê KCD'ê Hatîp Dîcle û Cîgirê Serokê Giştî yê ÎHD'ê Muharrem Erbey 36 BDP'i duh derxistin pêşberî dozgeriyê 8 kes li dozgeriyê serbest hatin berdan û 28 kes jî bi daxwaza girtinê şandin dadgeha 4'emîn Dadgeha Cezayê Giran a nobedar. Heyeta dadgehê ku 4 dadger ketin danişînê pîştî îfadeya 28 kesan guhdar kir li gel Şaredarê Sêrtê Selîm Sadak 5 kes serbest beran û derbarê 23 kesan de jî bi îdîaya 'Endamê Meclîsa KCK'ê ya Tirkiyeyê ne" biryara girtinê da. Li gel 7 şaredarê BDP'î, Hevserokê KCD'ê Hatîp Dîcle û Cîgirê Serokê Giştî yê ÎHD'ê Muharrem Erbey 23 kes şandin Girtîgehê. Kesên bi îdîaya "Endamê Meclîsa KCD'ê ya Tirkiyeyê ne" hatin girtin wiha ne: "Hevserokê KCD'ê Hatîp Dîcle, Serokê Rêxistina DTP'ê ya Amedê ya hate girtin Prz. Firat Anli, Şaredarê Sûrê Abdullah Demîrbaş, Şaredarê Peyasê Zulkuf Karatekîn, Wekîlê Şaredariya Bajarê Mezin ê Amedê Alî Şîmşek, Şaredarê Êlihê Nejdet Atalay, Şaredarê Cizîrê Aydin Budak, Cîgirê Serokê Giştî yê ÎHD'ê û Serokê Şaxa ÎHD'ê ya Amedê Prz. Muharem Erbey, Şaredarê Qoserê Ferhan Turk, Şaredarê Pirsûsê Etem Şahîn, Şaredara Wêranşarê Leyla Guven, Şaredarê Wêranşarê yê berê Emrullah Cîn, Şaredarê Êlihê yê berê Huseyîn Kalkan, Şaredarê Pîranê yê berê Abdullah Akengîn, Midûrê Giştî yê DÎSKÎ Yaşar Sari, Şaredarê Erxenî yê berê Nadîr Bîngol, xebatkarê BDP'ê Cebraîl Kurt, Kordînatorê Yerel Gundem21 Fethî Suvarî, Siyasedmedar Ramazan Debe, Rêveberê GOÇ-DER'ê Abbas Çelîk, Ahmet Makas, Şaredarê Colemêrgê yê berê Kazim Kurt û Takibe Turgay hatin girtin. © Azadiya Welat