Serokwezîr got 'krîzê li me neda' lê li Wanê 500 esnafan top avê

28.02.2010

Qeyrana aborî ku Serokwezîr Recep Tayip Erdogan got 'li Tirkiyeyê nade' li bajarên Serhedê hezar û 455 deriyê dikanan da girdin. Bi tenê li Wanê 500 esnafan darebeyên xwe bi temamî girtin.

Li herêma serhedê, qeyrana aborî bandorek mezin li ser çandiniyê û sewalkariyê kir û rê li pêşiya bazirganiyê jî girt. Bi têkçûna aboriyê ya li herêmê bûyerên qaçakvaniyê jî li herêmê rû dan. Qeyrana aborî bû sedem ku gelek esnaf dikanên xwe bigirin. Li herêmê ji ber qeyrana aborî, çavkaniyên çandinî û sewalkarî qels bû û lewre jî aboriya herêmê têk bir. Ji ber vê rewşê karê qaçaxvaniyê jî zêde bû.

Tenê di sala 2009'an de ji ber kaçaxvanî kirine 40 kes hatin kuştin. Sedema herî mezin a vê yekê jî têkçûna aboriyê ye. Sedema van kuştinan jî qedeqeya deriyên sînor ên gundên wekî; Kapikoy, Alîcan, Akyaka, Aktaş, Turkgozu, Umut û Esendere tê dîtin. Girtin û qedexekirina deriyên sînor û astengkirina bazirganiya sînor bû sedema zêdebûna kaçaxvaniyê û her wiha bû sedem ku gelek dikan jî bên girtin. Li gorî daneyên Odeya Esnaf û Sinhetkaran a Wanê, di sala dawî de li Wanê 537, li Qersê, 241, li Agiriyê, 219, Li Bedlîsê 169, li Îdirê 123, li Erdexanê 122 û li Mûşê jî 44 esfan bi tevahî hezar û 400 û 55 esnaf ji ber qeyrana aborî kilît li deriyê dikanên xwe xistin û dikanên xwe girtin.

Dayîkên Şemiyê gora Sabahattîn Alî pirsîn

27.02.2010

Dayîkên Şemiyê, ji bo bûyerîn kiryar nediyar bên ditîn û berpirsiyar bên darizandin li Qada Galatasarayê di heftaya 257'emîn de civiyan Dayîkên Şemiyê vê hefteyê xwastin cinayeta Nivîskarê Sosyalît Sabahattîn Alî yê 62 sal ber li sînorê Bulgarstanê hateye qetilkirin bê aşkera kirin û gora vî li ku derê ye pirsîn. Di çalakiyê de nameya Serokê Şaxa ÎHD'ê ya Amedê yê gîrtî Muharrem Erbey ya ji bo xizmên windayiyan hatiye şandin hate xwendin.

Dayîkên Şemiyê, bi wêneyên xemilandî yên windayîna li ber Qada Galatasarayê hatine cem hev û pankarta "windayî aşkera ne lê kiryar li ku ne" vekirin. Dayîkên Şemiyê vê heftyê çîroka Nivîskarê Sosyalît Sabahattîn Alî ku 62 sal ber hate kuştin xwend. Di çalakiyê de ji bo piştigiriyê bide xizmên windayiyan Şaîr Muslîm Çelîk axivî û diyar kir ku li Tirkiyeyê yekemîn kuştina siyasî li hemberî Sabahattîn Alî pêk hatiye. Piştî axaftina Çelîk, li ser navê komê Parlementerê DEP'ê yê berê Mahmut Alinak, daxuyanî xwend. Alinak, diyar kir ku ji ber ku Sabahattîn Ali nivîskarekî muxalîf û sosyalîst bû ji aliyê polîsan ve hate qetilkirin û wiha got: "Ev 62 sale kesên vî welatî rêvedibin cinayeta Sabahattîn Alî dernexistin holê bûne hevparên vê cinayetên. Ev 62 sale çi hatiye serî Alî û li ku derê hatiye defin kirin em nizanin."

'Bila dewlet berpirsyariya xwe ya di gor û kuştina Alî aşkera bike'

Alinak got ku di encamê de Alî neçar ma bi riyên qaçaxî derkeve derveyî welat û wiha axivî. "Di 31'ê adara 1948'an de ji Stenbolê veqetiya. Wî nizanibû ku ew qaçaxvanî xîsurê MAH'ê ye. Jê re gotin ku ew dê wî ji sînor derbas bikin lê li Kirklareliyê ew radestî sîxurên dewletê kirin. Wî li Midûriyeta Polîsan xistin lêpirsînê. Piştî çend rojan, cesede wî ji aliyê şivanekî ve hat dîtin. Lê dewletê cenazeyê wî neda malbatê. Wekî wî, gora wî jî winda kirin." Alinak anî ziman ku heta dewlet berpirsyariya xwe ya di windakirina Ali de qebûl neke, mirov nikare behsa pêşerojeke zelal bike. Alinak xwest ku eşyayên li gel Ali hatine dîtin bidin malbata wî û dewlet jî di şexsê wî de ji hemû civakê lêborîna xwe bixwaze.

Erbey ji xizmên windayan re name şand

Piştî axaftina Alinak, Şanoger Mehmet Atak, nameya Muharrem Erbey xwend. Erbey di nameya xwe de da zanîn ew zihniyeta van kesan winda kiriye, wî jî xistiye girtîgehê. Erbey got ku ew dê heta dawiyê pişgtiriya xwe ya ji malbatan re kêm neke.

Li Fransa û Îtalyayê 20 kurd hatin binçavkirin

27.02.2010

Li bajarê Fransa Marsîlyayê polîsan bi ser komele û çend malên kurdan de girtin. Li Komelê û malan gelek kes hatin binçavkirin. Di operasyonên hemwext ên li Îtalya û Fransayê de heta niha 20 kes hatine binçavkirin.

Li Fransa û Îtalya yê di oparasyonên ku ji aliyê polîsan ve hatî kirin de 20 kes hatin binçavkirin. Li Îtalyayê 11, li Fransayê jî 8 kes hatin binçavkirin. Serdegirtin di saetên sibehê de pêk hatin. Hate diyarkirin ku kesekî din jî di operasyonê de hatiye girtin.

Serê sibehê zû polîsen fransî bi hevkariya yekîneyên dijterorê bi ser komele û çend malên tên payîn yên kurdan in de girtin. Serdegirtina ku sedemê wê nehatiye zanîn heta niha li malekê de 4 bira û li maleke din de jî kesek girtin binçavan.

Oparasyona ku li bajarên Îtalya; Venedik, Treviso, Pisa, Grosseto, Modena, Udine, Pordenone, Milano, bakur û naverasta welat berfireh bûye hat zanîn biryar ji aliyê dozgerê Venedîkê ve hatiye dayîn.

Di wextê serdegirtinên malan de jî li bajar bi ser Komeleya Çandê ya Kurd de jî girtin. Serdegirtina ku bi tevilbûna sedan polîs û yekineyên taybet hatin kirin, hîn jî berdewam dike. Kurdistaniyên ku bûyer bihîstîn li nêzîkî xaniyê komeleyê kom bûn.

Polîs nahêlin kes nêzîkê komeleyê bibe. Ligel vê yekê jî girseyê bi sloganan nerazîbûn nîşanî serdegirtina komeleyê da. Hate ragihandin di navbera polîs û girseyê de demdem nakokî rû didin...

Heta niha navê kurdên hatine binçavkirin nehatiye zanîn, dozgeriyê da ragihandin ku di çarçoveya operasyonên li Fransayê de li 10 kesan tê gerîn.

DAXUYANIYÊN OCALAN

26.02.2010

Rêberê Gelê Kurd Abdullah Ocalan di hevdîtina Çarşema bihûrî de, bûyerên bi Plana Darbeya Balzoyê rûdane, nirxandin.

Ocalan anî ziman ku bûyer di bin kontrola Emerîkayê de pêk tên û got: "Ev Plana Balyozê, hinek ji ya Ergenekonê cûdatir e. Piştî ku Emerîkayê dît nikare bi van re bimeşe, niha wan tesfiye dike."

Ocalan got, Kurdan lîstik xera kirine, Tirkiye neçare xwe biguhere û wê kurd jî wê wekî hêzeke demokratîk bên qebûlkirin.

OCALAN: BÛYER DI BIN KONTROLA DYA'YÊ DE PÊK TÊN

Rêberê Gelê Kurd Abdullah Ocalan şerê desthilatdarî yê navdewletî yê bi girtina sûbayan hate rojevê, nirxand.

Ocalan anî ziman ku bûyer di bin kontrola DYA'yê de pêk tên û wiha dewam kir:

"Plana Balyozê li holê ye. Behsa bombekirina mizgeftan dikin. Ev tam harbûn e. Bi temamî tinekirina kurdan plan kirine. Fikirîne kurdan jî wekî yewnanan surgun bikin. Planên kuştin û surgunkirina gelek kesan kirine. Ev tiştek xeter e. Ev yek nêrîna min a, 'divê Kemalîzm ji nû ve were nirxandin' piştrast dike. Min digot, 'Tirkiye bi vê rewşa xwe nikare dewam bike.' Wan xeyal kiriye, NATO jî piştgiriyê bide vê plana wan. NATO jî piştgiriyê nade komkujiyên bi vî rengî. Plan û dînîtiya vê planê li holê ye. Lê careke dest pê kirine û nikarin jê derkevin. Emerîka jî vê qebûl nake."

OCALAN: XETA NETEWEPEREST A RADÎKAL JÎ Û XETA ÎSLAMIYA NERM JÎ DI BIN KONTROLA DYA'YÊ DE YE!

Ocalan destnîşan kir ku Emerîka, aliyê deşîfre bûye û bi van operasyonan tesfiye dike.

Ocalan, diyar kir ku xeta neteweperest ya radîkal jî û xeta îslamiya nerm jî di bin kontrola Emerîkayê de ne û wiha got:

"Tirkiye niha di nav aloziyekê de ye. Li aliyekî CHP, MHP, kemlîstên nav-artêşê, bi gotineke din, bermahiyên îttîhatiyan, yanî neteweperestên alîgirî komkujiyan. Hêza vî aliyî ne kêm e. Baskê rastgir yê Îsraîlê jî piştgiriyê dide van. Neo-conên Emerîka jî piştgiriyê didin van. Li aliyê din jî, aliyê kevneparêz ên ji AKP û Fetullahiyan pêk tê, hene. Ji Îsraîlê Netenyahû piştgiriyê dide van. A rast, tam Fetûlahî jî nîn in. Gelek cemaet hene, wekî organîzasyonekê tevdigerin..."

KURDAN LÎSTIK XERA KIRIN, TIRKIYE WÊ BIGUHERE Û WÊ KURD JÎ BÊN QEBÛLKIRIN

Ocalan wekî aliyê sêyemîn jî xeta demokratîk ya tevgera kurd û demokrat tesmîl dikin dest nîşan kir û wiha axivî:

"Li ser Tevgera Kurd, gelek lîstik hatin lîstin. Xwestin tesfiye bikin. Encam çibû? PKK û gel li ber xwe da. Di qada demokratîk de, mezin û bi hêz bûn. Min jî, li vir bi sebreke mezin li ber xwe da. Û bi vî rengî lîstik xera bû. Êdî kurd tesfiye nabin. Ev hate dîtin. Lê belê nizanin wê bi vê rastiyê çi bikin û çawa bi vê rastiyê bijîn."

Ocalan nêrîna xwe ya ev pêvajo wê çawa bi dawî bibe jî wiha anî ziman:

"Li gorî min, di dawiya dawî de, wê li ser demokrasiyê wan li hev bînin. Wê Tirkiye biguhere. Dema Tirkiye biguher, wê kurd jî, wekî hêzeke demokratîk bên qebûlkirin. Min di nexşeya rê de jî diyar kiribû. Ji bo kurdan, Xweseriya Demokratîk, çareseriyeke maqûl e."

Ocalan, ji bo çareseriya demokratîk, rewşa niha ya li Tirkiyê, weke avantajek nirxand.

Ocalan got, werin em Tirkiyê ji hegemonyaya neteweperest û îslamiya nerm rizgar bikin û weha dewam kir:

"Kî xwe baş bi rêxistin bike û siyaseteke rast bimeşîne, wê qezenc bike. Divê xeta yekîtiya demokratîk were pratîk-kirin." û ev hişyarî kir:

'Bi avakirina Kurdistaneke biçûk dixwazin Kurdan sedsaleke din mijûl bikin'...

OCALAN: BI AVAKIRINA KURDISTANEKE BIÇÛK DIXWAZIN KURDAN MIJÛL BIKIN

Rêberê Gelê Kurd Ocalan careke din 3 riyên ji bo çareseriya pirsgirêka kurd anîn ziman.

Ocalan got bi avakirina Kurdistaneke biçûk dixwazin hemû kurdan bi wir ve girê bidin û bi van gotinan jî bal kişand ser vê xetereyê:

"Ya yekemîn, helwesta înkar û tinekirinê, duyemîn bi avakirina Kurdistaneke biçûk, û pêvajoya sedsaleke din mijûlkirina kurdan bi xeyala Kurdistaneke mezin e. Wê hemû kurdan, bi riya Kurdistaneke biçûk kontrol bikin. Di demên derbasbûyî de çawa bi Ocaxên Ulkucu, xeta çepgir hat pasîfîzekirin, îro jî bi riya cemaetan dixwazin tevgera me pasîfîze bikin. Derfetên bi hêz ên aborî hene. Ev derfet jî xistine dewrê. Di vê çarçoveyê de jî hin malbatan bi xwe ve girê didin. 'Osman digot, 'pêşiya min vekin, ez biçim hemû kurdên mûxafazakar bi rêxistin bikim.' Wekî vê gelek lîstik lîstin. Lê belê ti lîstik negihîşt armanca xwe."

Ocalan bi bîr xist ku AKP li ser pişta kurdên xwe yên hevpar, hewl dide tiştan bike û got:

"Di AKP'ê de her tişt girêdayî helwesta Tayîp Erdogan e. Lê ev nikarin pirsgirêkê çareser bikin. Wê helwesta wan a ji bo kurdan çi be? Ya girîng ev e."

OCALAN: DI NAV VÊ ALOZIYÊ DE KÎ SIYASETEKE RAST BIMEŞÎNE WÊ EW QEZENC BIKE

Ocalan rewşa niha a Tirkiyê wekî reşweke aloz nirxand û anî ziman ku, kî di vê pêvajoyê de karibe bersiva rast bide siyaseta rojane, wê ew qezenc bike.

Nêrînên Ocalan ên di vê mijarê de wiha ne:

"Kî di nav vê aloziyê de, xwe baş rêxistin bike û siyaseta rast bimeşîne, wê ew qezenc bike. Yên me jî divê roj bi roj, siyaseteke têkûz bimeşînin. Min ewqas besha girîngiya avakirina akademiyan kir. Îro pêwistiya wan li holê ye. Eger tiştên îro diqewimin rast fêm bikin, wê karibin girtinên dawî jî pûç derxin. Divê rêbertiya demokratîk ya herêmî ya xwe derxin holê. Ev biryarên girtinê, taktîkeke dewletê ye. Bi meşandina siyaseteke rast, mirov bi rehetî dikare van girtinan pûç derxe."

Rêberê Gelê Kurd xwest ku gotina 'siyasetê bimeşînin' wekî xebateke îlegal neyê fêm kirin û got:

"Di bingehê demokratîk de xebatên muazem ên dikarin werin meşandin hene, ez dibêjim divê ev werin kirin.

"Ocalan vê hefteyê jî bal kişand ser pêwistiya jihevqetandina Kongreya Civaka Demokratîk, BDP û KCK'ê û xwest ev her sê qad tevlîhev neyên kirin.

OCALAN: DIVÊ XETA YEKÎTIYA DEMOKRATÎK SERDEST BIBE Û JI BO ÇARESERIYÊ DIXWAZIM ROLÊ BILEYÎZIM

Ocalan destnîşan kir ku niha di siyaseta Tirkiyê de ya girîng pratîkbûn e û dûre jî wiha dewam kir:

"Ez dibêjim em Tirkiyeyê ji xeta tund-neteweperest-nijatperest û xeta nerm-îslamî-muhafazekar, ji van her du hegemonyayan rizgar bikin. Ev xeta yekîtiya demokratîk e. Ev deh salin tim vê dibêjim, lê xebatekê li holê nabînim. Ev rewşa kevneşop a hêzên çepgir e. Hin tişt ji ber kirine û her tim wan dûbare dikin. Vaye girseyeke bi qasî çiyayan mezin heye, ez ji vê pêde dikarim çi bikim! Di vê navberê de min xebateke bêpempa meşand. Di nav BDP'ê de be an derveyî wê de be, ya girîng ewe ku xebateke hevpar were meşandin. Ji bo vê yekê desteya koordinasyonê dikare were sazkirin, xebateke hevdeng dikare pêk were, were meşandin."

Ocalan careke anî ziman ku ew dixwaze ji bo çareseriyê rola xwe bileyze:

"Beriya demekê min nivîsa Avnî Ozgurel xwend. Digot 'Kurd, PKK û Ocalan mijarên cuda ne, lê ev têkildarî hev in û ketine nav hev, eger bi hev re li ber çavan neyên girtin pirsgirêk çareser nabe.' Digot 'her gava dixwazin Ocalan li derveyî pêvajoyê bê hiştin evê Ocalan xurtir bike.' Ev tesbîteke di cîh de ye. Rast dibêje. Di vê navberê de ez lava ji ti kesî, ji dewletê jî nakim. Min di nexşerê ya xwe de destnîşan kiribû. Hêna ku tenduristiya min derfetê dide, ez dixwazim rola xwe bilîzim."

Rêberê Gelê Kurd Ocalan, bi rasthatina 8'ê Adarê jî, nirxandinên girîng kirin..

Ocalan, got, "Divê jin hemû şêweyên azadiyê pêşbixin.Li ser vê mijarê xwe zana bikin û bi felsefeya azadiye xwe biparêzin"

Ocalan, der barê Roja Zimanê Dayikê de jî peyamek da, û diyar kir ku ziman, erdnîgarî û çand bedena mirovan e û xwest herkes li bedana xwe xwedî derkeve.

OCALAN: ZIMAN, ERDNÎGARÎ Û ÇAND BEDENA MIROVAN E

LI BEDENA XWE XWEDÎ DERKEVIN

Rêberê Gelê Kurd Abdullah Ocalan, ciwanê Kurd Ebumuslum Dogan ê li Semsûrê bedena xwe da ber agir bibîranî, û sersaxî ji malbata wî re xwest..

Ocalan, bi rasthatina Roja Zimanê Dayikê, ev peyam da:

"Ziman û çand bedena mirovan e. Li bedenên xwe xwedî derkevin. Zimenek wisa req û rût bi serê xwe, ti wateyê îfade nake. Tevahiya van hevdû temam dikin. Eger ev yek di nava hevde bên nirxandin, bi civakeke demokratîk, maneya xwe îfade dike. Ji bo ziman, erdnîgarî û çandê, ji bo hemûyan ez dibêjim bedena mirovan.. Eger hûn li bedena xwe xwedî dernekivin, ti wateya wê namîne, bikêrî ti tiştî nayê..

OCALAN: DIVÊ JIN HEMÛ ŞÊWEYÊN AZADIYÊ BI PÊŞ BIXE

Û XWE BI FELSEFEYA AZADIYÊ BIPARÊZE

Rêberê Gelê Kurd Ocalan, di beşa dawî ya hevdîtana xwe de, azadiya jinê nirxand..

"Têkiliya di navbera jin û zilaman de, gelo jin dibin koleyê zilaman, yan jî zilam dibin koleyê jinan, ev yek dikare were nîqaşkirin. Li gorî min di roja me de, herdû jî, bûne koleyên hev.. Divê têkiliya navbera jin û zilaman, baş were fêmkirin. Li ser kîjan esasî, jin û zilam wê bên cem hev, ev yek girîng e. Ez gihîştim vî temenê xwe, hê jî difikirim, eger ez û jinek bên ba hev, ezê li ser kîjan esasî û kîjan mijarê, bi wê re biaxivim. Slovaj Zîzek dibêje, 'Tişta ku herî zêde min dixe nava heyecanê, bi jineke ku ji min zanatir re guftûgokirina felsefeyê ye..'

Bi jinan re, divê li ser bingeheke diyar diyalog û têkîlî, were danîn. Ez ji vê re dibêjim 'zimanê çêbûna gerdûnê, şêweya çêbûna gerdûnê.' Eger pîvanên têkîliyê li ser esasên azadiyê werin danîn, hingê dikarin bigihêjin Nîrvanayê. Ez li ser esasên rêzgirtinê nêzîkî jinê dibim. Eger jin ev qasî min dişopînin e, ev tê wê wateyê ku ew bi hin aliyên min hisiyane. Ez nirxekî mezin didim jinê."

Ocalan, got, divê jin azadiya xwe biparêze, û wiha axivî:

"Divê jin hemû şêweyên azadiya xwe bi pêş bixe. Divê di vî warî de, xwe zanatir bike.. Jineke Îskenderiyeyî bi navê Hypatîa, ji ber ramanên xwe, ji aliyê Xiristiyanên wê demê ve bi cezayê mirinê tê ceza kirin. Ji jinikê re dibêjin, 'Tu li dijî qanûnên me rabûyî.' Li hemberî êşkenceya ku lê dikin, jinik bi felsefeyê bersiva wan dide. Her ku ew êşkencê lê dikin, ew bi felsefeyê xwe diparêze û felsefeya xwe dibêje. Ji ciwanên der û dora wê kombûne re dibêje, 'Hûn ji bo berjewendiyên xwe û ji dilbijiyeke qeba a cinsî nêzîkî min dibin. Ez vê nêzikahiyê qebûl nakim.' Paşê ev jin, bi keviran tê lînckirin û wê dikujin. Divê jin jî ji bo azadiyê xwe bi vî awayî biparêze.."

Ocalan, mijara li Semsûrê ya Medîneya ji aliyê malbata xwe ve, bi saxî kirin bin axê jî bibîrxist..

û wiha got:"Li wir jin kirin bin axê, jinbûn û mirovahî kirin bin axê. Di navbera binaxkirina mirovekî û bi mîlyonan mirovî de ti ferq nîne.

Ocalan, hişyar kir ku di vê dewrê de, paşvemayîna olî gelek bi tehluke ye, û xwest ji ber vê yekê jî, jin xwe pir pêşbixin..

OCALAN: KAPÎTALÎZM MIROVAN TINE DIKE

Ocalan, di nirxandinin xwe de cih da bandorên sîstema kapîtalîst jî..

Her wiha Ocalan, anî ziman ku kapîtalîzm mirovan tine dike

"Gelek kesên betal hene. Jiyana xwendekarên zanîngeh qedandine, li qehwexaneyan diqede. Û nizanin ewê çi bikin. Ez dizanim, hê jî, hin hevalên me çixareyê dikişînin. Divê bi kapîtalîzmê nexapin. Pîrbûn girêdayî mejî ye. Divê hişê mirov bi hêz be. Hişê mirov çiqasî bi hêz be, bedena wan jî bi hêz dibe. Hişê mirov ne bi hêz be, û eger sîstem jî baş fêm nekiribe, bedena mirov jî, zû zeîf dikeve. Di pergala sermayedariyê de, dîtina heqîqetan û şîrovekirina wan gelek zahmet e. Ev pergal mirovan ji rê derdixe. Mirovên ji rê derdikevin jî, êdî bi kêrî ti tiştî nayên."

MALBATA DOGAN JI ALIYÊ CIWANÊN BDP'YÎ VE HAT ZIYARETKIRIN

26.02.2010

Serdanên sersaxiyê yên ji bo malbata Muslum Dogan ê li dijî komploya 15'ê Sibatê bedena xwe dabû ber agir, dewam dikin..

Bi sedan endamên Ciwanên Welatparêz û Demokratîk doh bi sloganan çûn serdana gora Muslum Dogan...

Ciwanên ji Amedê, Mêrdîn, Şirnex, Batrman Riha, Semsûr, Dêrsim, Elezîz û Çewlikê bi wesayîtan çûn gundê Balabanê...

Tevî astengiyên eskeran jî, ciwanan posterên Muslum Dogan û pankarta bi nivîsa "Bêrîtanbûyîn, bi Semayan bilind bûn, Mazlûmbûyîn gihiştina Viyanan e" hilgirtin û dest bi meşê kirin..

Di meşê de, bê navber sloganên "Bijî serok Apo" û "Heval Muslum nemire" hatin gotin..

Piştî meşê ciwanên BDP'ê çûn serdana gora Muslum Dogan û li wir daxuyaniyek dan..

Di daxuyaniyê de hat bi bîrxistin ku dewleta Tirk înkar û tinekirinê li ser Kurdan ferz dike û hat gotin, ciwanên Kurd wê li dijî van siyasetan têkoşîna xwe xurt bikin..

Ciwanan her weha dilsoziya xwe ya bi Muslum Dogan re jî anîn ziman û bi sloganan ji gundê Balabanê veqetiyan..

Hevseroka BDP'ê Kişanak: Deriyê Xabûrê vekin da ku gel hev hembêz bikin

26.02.2010

Heyeta BDP'ê ku ji Hevserokên BDP'ê Selahattîn Demîrtaş, Gultan Kişanak, parlementer û rêveberên BDP'ê pêk dihat, di ziyareta Şaredariya Îdirê de ji aliyê hezaran kesî ve hat pêşwazîkirin. Di pêşwazîkirinê de Hevseroka BDP'ê Gultan Kişanak, helwesta meclîsê ya li dijî Koma Çareseriya Demokratîk û Aştiyê ya Sînorê Xabûrê rexne kir û xwest ji bo aştiyek mayinde Deriyê Xabûrê vekin û rê li pêşiya hembêzkirina gelan vekin.

Hevserokên BDP'ê Gultan Kişanak û Salahattin Demirtaş, bi boneya Şaredariya Îdirê ziyaret bikin ji Enqereyê hatin Balafirgeha Merît Melen a Wanê. Hevserok Demîrtaş û Kişanak, bi def û zurneyan hatin pêşwazîkirin. Di pêşwazîkirinê de Parlementerê BDP'ê Ozdal Uçer, Şaredarê Wanê Bekîr Kaya û endamê Koma Çareseriya demokratîk û Aştiyê Nurettin Turgut jî di navde gelek kes amade bûn. Hevserokên BDP'ê Kişanak û Demîrtaş, piştî hatin pêşwazîkirin bi konvoyekê çûn Îdirê. Heyeta BDP'ê di rêde Şaredariya Beygiriyê ziyaret kir û bi Şaredarê Navçeya Beygiriyê Îzzet Çelîk re hatin cem hev. Heyeta BDP'ê piştî ziyareta Şaredariya Beygiriyê çûn Îdirê. Heyet, li Îdirê ji aliyê konvoyek mezin ve hatin pêşwazîkirin. Hevserokên BDP'ê piştî pêşwazîkirinê bi konvoyek mezin çûn ber Şaredariya Îdirê. Heyet, li ber Şaredariyê ji aliyê hezaran kesî ve bi slogana "Bijî Serok Apo" hatin pêşwazîkirin. Di ziyaretê polîsan tevdîrên pir mezin girt. Girseya ku di pêşwazîkirinê de bê navber di lehê Rêberê PKK'ê Abdullah Ocalan de slogan avêt. Li ber Şaredariyê Hevseroka BDP'ê Gultan Kişanak, axaftinek kir û diyar kir ku ew bi armanca piştgiriyê bidin Şaredarê û bi gelê xwe re şewirmendiyê çêkin. Kişanak, anî ziman ku di hilbijartina 29'ê Adarê de aştî û biratî bi ser ketiye û wiha got: "Li Îdirê şaredariya ku 80 sale xizmet ji pergalê re dikir, yekem car ket destê gel. û dest bi xizmetê kir. Lê Hikûmeta AKP'ê ev yek tehamul nekir û kelepçe li destê şaredar xistin. Lê li gel hemû êrîşan dê gel li vîna xwe xwedî derkeve."

'Divê Deriyê Xaborê bi temamî bê vekirin'

Kişanak, diyar kir ku ew bawer dikin ku dê gelê Idirê bi têkoşîna xwe şaredarê xwe paşve bînin û wiha got: "Bera xwe bidinê, polîtîkayên înkar û îmhayê yên 80'ê salin didomin bi têkoşîna we winda dibin. Roja em çûne Meclîsê heta niha em dibêjin pirsgirêka kurd dê li meclisê bê çareserkirin. Ji bo vê yekê em israr dikin. Lê îro ev parlemento li meclîsê komên ji Deriyê Sînorê Xabûrê hatin Tirkiyeyê çima nehatin girtin niqaş dikin. Yanî CHP û MHP dixwazin kesên ji bo aştiyê hatin bimirin. Em li vir bang li AKP'ê dikin. Heke hun hes bikin vê pirsgirêkê çareser bikin gavên wêrek bavêjin. Werin bi temamî em Deriyê Sînor yê Xaborê vekin û ji bo aştiyekî mayinde riyê nişna bidin." Kişanak, bal kişande ser operasyonên di 14'ê nisanê de li hemberî partiya wan tên kiri û lio hember kurdan awayekî alenî siyaseta komkujiyê dikin. Kişanak, anî ziman ku heke şer bidome tenê kurd ne dê hemû gel winada bikin û xwest ku dest ji polîtîkayên şer berdin.

Ji gotinên Ocalan hin tişt hatin jêgirtin

Kişanak, di dawiya gotinên xwe de balkişand e ser 8'ê Adarê Roja Jinan ya Cîhanê û wiha pêde çû: "Birêz Ocalan ku li vî welatî ji bo aştiyek mayînde têkoşînek gelek mezin dide, dibêje 'Heta ku jin azad nebe jiyan jî azad nabe' Belê raste heta ku jin azad nebe civak jî nikare azad bibe. Ez bang li hemû jinan dikim ku 8'ê adarê derkevin qadan û daxwazên xwe bînin ziman".

Demîrtaş: Bila sînorên tehemûla vî gelî neyê ceribandin

Hevserok Selahattin Demîrtaş piştî Kişanakê mafê axiftinê girt û bertek nîşanê girtina Şaredar Nurî Guneş da. Demîrtaş, bi bîrxist ku dema wan li vir şaredarî bidest xist wezîrek hikûmetê gotibû "Gihiştin sînorê Ermenîstanê" û ev tişt li gotinên xwe zêde kir: "Bi vî avayî şaredariya me wekî armanc dan nîşandan. Eger birêz Guneş îro di girtîgehê de be ev yek ji ber armanc nişandana Wezîr Cemîl Çîçek e". Demîrtaş di berdewama axaftina xwede diyar kir ku hatine dawiya sînorê sebrê û wiha axivî: "Eger îro tiştek hatibe ber sînor, ew jî sînorê sebra vî geli ye. Êdî tu sebra me nemeye. Bila sînorên tehemûla vî gelî neyê ceribandin Werin rûmetê nîşanê daxwazên gelê me bidin. Tu kesî nikariye vî gelî teslîm bigire ma hûn dê bigir".

Lazime siyasetmedarên kurd werin berdan

Demîrtaş, balkişand ku ji 14 nîsana sala 2009'an heta niha di navde Hevserokê KCD'ê Hatîp Dîcle û gelek şaredar jî heyî hezar 500 siyasetmedarên kurd hatine girtin. Demirtaş wiha domand: "Li vir bila tu kes behsê hiquqê neke. Ev operasyon bi destê AKP'ê pêk tên. Bi şiklek zelal ew dixwazin bi rûmeta me bilîzin. Lê bila hemû kes vê yekî baş bizane ku tu kes nikare bi rûmeta me bilîze" Demîrtaş, da zanîn ku gelê kurd tenê zimanê xwe dixwaze û destnîşan kir ku divê destê aştiyê yê ji aliyê kurdan ve hatiye dirêjkirin bê girtin. Demîrtaş, di dawiya axaftina xwe de roja 8'ê Adarê Roja Jinan a Cîhanê ya jinan pîroz kir. Piştî axavtinan bi hezaran kesan sloganên "Bijî Serok Apo" qêriyan û Hevserokên BDP'ê çûn serdana Şaredariya Îdirê. Hevserok piştî serdanan jî ber bi Navçeya Bazidê ya Agiriyê ve rê ketin.

13 SUBAYÊN DIN HATIN GIRTIN

Degnvedana 'Plana Darbeya Balyozê' li Tirkiyê dewam dike..

Doh ji 20 subayên birin adliyê, 7 jê wezîfedar bi giştî 13 kes hatin girtin..

Bi vî awayî, hejmara subayên ji pêr ve hatine girtin, derket 20'an..

Di çarçoveya "Plana Derbeya Balyozê" de Koramîral Feyyaz Öğütçü, 7 ji wan subayên wezîfedar, 20 kes heta derenegiya rojê îfade dan dadgehê..

Di encamê de, 10. Dadgeha Cezayê Giran ya Stenbolê ji ber 'Bi hewldana hilweşandina Hukumeta Komara Tirkiyê û endamtiya rêxistina terorê' biryara girtina 13 subayan da...

Bi vî awayî di nav 2 rojan de, hejmara subayên hatin girtin bû 20..

GUL, ERDOGAN Û BAŞBÛG LIHEV DICIVIN
Li aliyê di, di bin navê nirxandina rewşê de, îro li Enqerê civînek tê lidarxistin..

Serok-komarê Tirkiyê Gul, Serokwezîr Erdogan û Serokê Fermandariya Giştî Başbûg tên cem hev...

Civîn vê saetê li Qesra Çankayayê tê lidarxistin...

LI ERDEXAN Û SÊWREGÊ 14 KES HATIN GIRTIN

Operasyonên siyasî yên bi armanca qirkirinê li dijî gelê Kurd, îro jî dewam kirin.

Li Mêrdînê Serokê berê yê DTP'ê Davut Bozan hat girtin...

Li navçeya Qersê Erdaxan û Golanê û li navçeya Rihayê Sêwregê 14 kes hatin girtin..

Li aliyê din, li navçeya Agirî Diyadînê 4 û li Wanê jî, kesek hat girtin..

LI ERDEXAN Û SÊWREGÊ 14 KES HATIN GIRTIN
Li navçeya Erdexanê Golanê, ji kesên ku 20'ê Sibatê hatibûn binçavkirin, 7 kes hatin girtin..

Li navçeya Rihayê Sêwregê jî, 7 kes bi bahaneya sloganên 'Bijî Serok Apo' gotine, hatin girtin..

SEROKÊ BERÊ YÊ DTP'A MÊRDÎNÊ DAVUT BOZAN
HAT GIRTIN
Serokê DTP'a hatî girtin, Davut Bozan jî, doh dema ji navçeya Batmanê Kercewsê diçû Mêrdînê hat binçavkirin.

Bi bahaneya ku Bozan endamê KCK'ê ye, hat girtin..
Li navçeya Agirî Diyadînê jî di serdegirtinên malan de 4 û li Wanê jî xebatkarê Kovara Ozgur Halkê hat girtin.

'Ez nizanim ku min çima ceza girt'

Doza zarokê bi navê E. A. yê 15 salî ku li Edeneyê bi îdîaya tevlî çalakiyên derzagonî bûye dihat darizandin, bi dawî bû. Heyeta dadgehê 4 sal û 8 meh cezayê girtîgehê da. E. A., diyar kir ku li qereqolê, polîsan bi darê zorê kevkanîkekê dane destê wî û wiha got: "Ez hêj jî nizanim ku min çima ceza girt."

Doza der barê 16 kesên ku 5 jê zarok a bi hinceta tevlî çalakiyên piştgirîdayîna Rêberê PKK'ê Abdullah Ocalan bûne, li 7'emîn Dadgeha Cezayên Giran a Edeneyê bi encam bû. Lijneya dadgehê bi hinceta 'Tevlî ku ne endamê rêxistinê ne, li ser navê rêxistinê sûc pêk anîne', 3 sal, mehek û 15 roj, bi hinceta 'li dijî hêzên ewlehiyê muxalefetê kirine' 8 meh, bi hinceta 'gef xwarin' 5 meh û 16 roj û bi hinceta 'propagandaya rêxistinê kirine' jî 5 meh cezayê girtîgehê da 5 zarokên bi navên L. O., D. Ç., A. E., M. O. û O. D.'an

Zarokê bi navê E. A. yê ku diçe pola 8'emîn a dibistana seretayî, ji bo alîkariya aborî ya malbata xwe bike, piştî dibistanê, diçe dixebite. E. A. ji ber ev cezayê ku lê hatiye birîn, matmayî maye. E. A. wiha got: "Ez nizanim da ku ez dê çi bikim."

'Ez bi topê dilîstim'

E. A. roja hatiye binçavkirin vegot û da zanîn ku ew di wê demê de li kuçeyê bi topê dilîst. E. A. wiha lê zêde kir: "Me bi topê dilîstin. Min carek dît ku çalakvan bi aliyê me ve tên. Çalakvan di taxa me re derbas bûn. Ji ber ku em tevlî bûyeran nebibûn, em nereviyan û me lîstika xwe domand. Lê piştre polîsan ez binçavkirim. Dema ku ez li erebeyê suyar kirim jî li min didan. Piştre polîsekî kevkanîkekê xist destê xwe û ji min re got 'ev a we ye'. Min got na. Lê dîsa li me dan. Ez hê jî nizanim ku ji ber çi min girtin bin çavan û min girtin.

Dayika E. A. Ayşe A. jî diyar kir ku dema kurê wê girtine, kurê wê bi hevalên xwe re li kuçeyê dilîstin û wiha got: "Dema ku kurê min binçavkirin, serê wî şikenandin. Niha jî ceza dan wî. Tu sûcê wî jî tune bû."

Kişanak: Ew daraza ku bi darve dike û kelepçe dike ne siyasî ye?

Hevseroka BDP'ê Gultan Kişanak bal kişand ser operasyonên demên dawî û şerê dinav hikûmet û darazê. Gultan Kişanak diyar kir ku ev ne şerê demokrasî û azadiyê ye û wiha got: "Gelo dema ev darazê Deniz Gezmiş bi darvekir, temenê Erdal Eren mezin kir û kelepçe li destên şaredaran xist, ne siyastî bû? AKP û CHP'ê berê ji darazê re li çepikan dixist." Gultak Kişanak li dijî daxuyaniyên Mehdî Eker û Îhsan Arslan ên AKP'î yên der barê girtina BDP'iyan de jî bertek nîşan da û wiha got: "Hûn mirinê nîşan didin û dixwazin ku me bi girtinê qayêl bikin." Kişanak bi bîr xist ku ew piştgiriyê didin karkerên TEKEL'ê.

Hevseroka BDP'ê Gultan Kişanak di civîna BDP'ê ya hefteyî de axivî û destnîşan kir ku dixwazin pirsgirêka kurd bixin plana duyemîn. Gultan Kişanak wiha got: "Tirkiye di mijara guherînê de li ber xwe dide û ji ber vê jî her tim bi krîzan re rû bi rû ye. Israra di polîtîkayên qirêj de jî vê krîzê kûrtir kir. Kirîza her dawî ya darazê jî rewşa Tirkiyeyê derdixe holê." Kişanak, BDP'ê jî wekî partiya muxalefeta giştî bi nav kir.

'An dê biguhere yan jî dê tasfiye bibe'

Gultan Kişanak bal kişand ku ev krîza di navbera desthilatdarî û darazê de krîzeke mezin e û axaftina xwe wiha domand: "Ji ber ku ev welat ber bi demokratîkbûnê ve naçe, bi daraz, rêveberî û burokrasiya vê welatê jî xitimiye. Ev pergal êdî xwestekên gel ên wekî demokrasî, azadî, aştî, edalet, wekhevî û aramiyê nabersivîne. Ji ber têkoşîna hêzên demokrasiyê, êdî ev pergal nikare xwe dubare bike. Gel xwedî biryar e ku ev komarê bigihînin demokrasiyê û makeqanûna dewletparêz ji holê rake. Pergal jî li dijî van xwesten an dê biguhere yan jî dê tasfiye bibe."

'Tirkiye nikare ji guherînê bireve'

Kişanakê hin mînakên din ên guherînê nîşan da û wiha got: "Tirkiye dê nikaribe ji guherînê bireve. Di encamê de ev pergala dewletparêz, nijadperestî û yek tîp parêz jî dê demokratîk bibe. Divê neyê ji bîr kirin ku rewşenbîr, hunermend, kedkar, kurd, elewî, jin û ciwan dê vê pergalê biguherînin. Hikûmet xwe wekî dinamîka guherînê nîşan dide. Lê di rastiyê de jî pêşî li guherîna Tirkiyeyê digire. Divê ku êdî hin çareseriyên demokratîk biafîrne. Lê AKP, şer û pevçûnan berfirehtir dike. Dixwaze ku ji vê krîza mezin sûde bigire."

Kişanak, da zanîn ku heta niha kes li hemberî pergala darazê derneketiye û wiha got: "Kesên muhalîf ên li li hemberî daraza siyaset devlêbûye dikin qerîn û hawar, li hemberî êrîşên li dijî kurdan û siyasetmedarên kurd bêdegn dimînin. CHP dibêje 'Siyaset tev li darazê bûye' û fermanê radike. Bi salan e siyaset di nava darazê de ye û piştgirî dida vê yekê. Her wiha Hikûmat AKP'ê jî ku heta niha gazinç dikir û digot siyaset tev li darazê bûye gelek zagonên dijwar derxistin.

'Hêj hûn nû hişyar dibin ku siyaset tev li darazê bûye?'

Kişanak, bal kişand ser doza Zimanê dayikê ya Egîtîm Senê, Ugur Kaymaz û Hrant Dînk û wiha got: "Di rojnameya Bolu Ekspres de digot 'Divê li hemberî kuştina her leşkerekî 5 DTP'î bên kuştin' Bi vî rengî kuştina kurdan rewa tê dîtin. Lê li hemberî vê yekê tu doz nayên vekirin. Çawa çêdibe ku ji bo vê yekê daras serbixe dibe û ji bo girtina Serdozgerê Erzînganê daraz serbixwebûna xwe winda dike." Kişanak, bal kişand ser AKP û CHP'ê anî ziman ku herdu partî alîgirê siyasetbûna darazê ne. Kişanak, da zanîn ku kesên li dijî siyasetbûna darazê derkevin ew dê her tim piştgiriyê bidin wan.

'Şerê tê kirin ne şerê azadî û demokrasiyê ye'

Kişanak, şerê ku tina li Tirkiyeyê tê kirin jî rexne kir û anî ziman ku şerê di navbera partiyan te tê kirin û qeyrana darazê ne ji bo azadî û demokrasiyê ye. Kiyanak, destnîşan kir ku ji bo serdestî û îxtîdarê şerek tê meşandin û wiha dom kir: "Ne hewldana darazê hewldanek hikûqî ye, ne jî helwesta AKP'ê helwestek demokratîkebûnê ye. Ev kesên di nava wan de pevçûn heye, li dijî demokrasî û azadiyê dibin yek û li hev tên. Ev yek di doza Ergekonê de jî xuya dibe. Gelo Di navbera kesên darbeyan û li dijî darbeyan de pevçûn heye.? Di rastiyê de hedefa van darbeyan civak e. Rewşenbir û demokratê vê civakê ne. Her wiha kurd in elewî ne. Sûcên li hemberî gel tên kirin ên wekî komkujiya 1'ê Gulanê, Mereş, Çorum, Sîvas, Gazî û sûcên li hemberî kurdan tên kirin li derveyî suc tên girtin. Ji ber vê yekê lêpirsîna Ergenekonê kêm e. Ger ku dê Tirkiye demokratîk bibe divê JÎTEM, buyerên tarî û hemû bûyerên li herêmê pêk hatine zelal bibin."

'Em piştgiriyê didin guhertina makezagonê û reforma darazê re nehe'

Kişanak, daxuyand ku ew her tim dixwazin makezagon bê guhertin û di darazê de reform pêk bê. Kişanak, nêzîkatiya kesên nerazîbûnên xwe tînin ziman jî rexne kir û wiha got: "Ger ku hûn ji makezagon û darazê bi gazinin hûn çima naguherin? Kişanak bal kişand ser şert û mercên girtîgehan û wiha dom kir: "Operasyona li dijî siyasetmedarên kurd didomin. Operasyona KCK'ê sîyasî ye. Kesê li Şirnexê wekî şahidê veşarî tê nîşandan nayê qebûl kirin. Demê borîe bi îşkenceyê îfade didan qebûl kirin niha jî bi vî rengî. Ev yek dide xuyakirin ku operasyona KCK'ê li dervê hiqûqê hatiye amadekirin.

'Mehdî Eker kelepçeyan diparêze'

Kişanak, Wezîrê AKP'î yê Amedê Mehdî Eker jî rexne kir û anî ziman ku kuştin û kelepçeyan diparêze. Kişanak, destnîşan kir ku di dema OHAL'ê de jî 8 şaredar, 2 Serokê Meclîsa Giştî ya Bajar, bi dehan endamên meclîsên şaredrar û bajaran nehatin girtin. Zêdeyî hezar siyasedmedar û kadroyê BDP'ê hatin girtin. Gelo feraset û wîcdanê we yê li hemberî demokrasî û azadiyê ev e.

'Daraza Gezmîş bidar vekir û şaredar kelepçe kir ma daraza siyasî nebû?'

Kişanak, diyar kir ku li Tirkiyeyê pirsgira cîdî ya darazê heye û da zanîn ku rejîma vesayetê rê li ber civakîbûnê vedike. Kişanak, pirsa "Ka Hikumata AKP'ê li hemberî vê pirsgirêkê ji bo çareseriyê çi kiriye?" û wiha got: "Ev tişt tiştekî wêdetirî siyasetmedariyê ye….Pirsgiraka vê hikûmetê çareseriya pirsgirêkê nîne, timî hewl dide xwe wekî maxdûr nîşan bide, qrîzê vegerîne dengan, desthilatdariya xwe bi parêze û bibe xwediyê pergala dewletparazêr a niha. Tişta ku AKP herî baş dike, siyaseta mexdûriyetê ye. Birêz Serokomar dibêje ku fersenda guhertina makeqanûnê ji dest çû. Kê ev fersend revand? Ma Hikûmeta AKP'ê nîne? Di pêvajoya hilbijratinê de bi soza guhertina makeqanûnê AKP'ê ku ji gel deng xwest, piştî hate desthilatdariyê, guhertina makeqanûnê ku ji bo xwe çêkiribû rakir refê. Ya rast di hundirê qirîza darazê ya ku niha tê jiyîn de, makeqanûna darbeyê ya niha heye. Nîqaşên îro yên têkildarî wekî 'Daraz bêalî û serbixwe nîne û siyasî bûye' rast in. Lev rewşek nû nîne. Heta niha, ma pergelek darazê ya ku dad belav dikir, mafên bingehîn û azadî diparast hebû ku îro xera bibe? Ev pergala darazê, di dadgeha Îstîklalê de bi sedan kes bêyî lêpirsîn û pirsiyariyê dema dişand dardakirinê ma siyasî nebû? Ev pergala darazê, dema Denîz Gezmîş darda kir, ma siyasî nebû? Ev daraz ma dema temenê Erdal Eren mezin kir û ew şand dardakirinê, ma nesiyasî bû? Ev pergala darazê, dema çanak li hovîtiya li Girtîgeha Amedê dikir, ji mirinan di bû temaşevan, ma siyasî nebû? Ev pergala darazê, dema şaredar kelepçe kirin û şandin girtîgehê ma siyasî nebû? Ev daraz, dema ku li zarokên temenê wan 13-14 ne 2 qat zêdetirî temenê wan cezayan dibire, ma siyasî nebû?"

'Hikumetê DGM li gorî berjewendiyên xwe sererast kir'

Kişanak, têkildarî qirîza darazê, AKP û CHP bi tundû rêxne kir û da zanîn ku daraz ne ji bo parastina azadî û mafan, ji bo parastina dewletê li hemberî gel biparêze avabûye û dadgehên Îstîklalê, sikiyonetîm, devlet guvenlîk, wekî mînak nîşan da. Kişanak, bi bîr xist ku dadgehên xwedî rayeya taybet ku bûne sedema qirîza darazê jî û got ku berdewama DGM'ê ne. Kişanak, destnîşan kir ku AKP'ê li cihê van dadgehan rake li gorî berjewendiyên xwe dîsa seresart kirine û da zanîn ku TMK'a hatiye derxistin wekî makeqanûna duyem e. Kişanak, anî ziman ku bi TMK'ê Tirkiye bûye wekî girtîgehek servekirî û ev tişt gotin: "Daraz li hemberî kesên li azadiyê digerin, demokrasiyê dixwazin, di bin navê ji bo dewletê, wekî unsura çewisandin û pêkutiyê tê bi kar anîn." Kişanak, bi bîr xist ku çete ji aliyê heman darazê ve tên parastin û pirsa, "Li welatekî ku 17 hezar cinayetên kiryar nediyar hatibin jiyîn û kiryar serbest bigerin, ma ev yek kişif nake ku dibin parastina darazê dene?" kir.

'AKP û CHP'ê çepik ji bo vê darazê lê dan'

Kişanak, diyar kir ku li Tirkiyeyê pirsgira cîdî ya darazê heye û da zanîn ku rejîma vesayetê rê li ber civakîbûnê vedike. Kişanak, pirsa "Ka Hikumata AKP'ê li hemberî vê pirsgirêkê ji bo çareseriyê çi kiriye?" û wiha got: "Ev tişt tiştekî wêdetirî siyasetmedariyê ye….Pirsgiraka vê hikûmetê çareseriya pirsgirêkê nîne, timî hewl dide xwe wekî maxdûr nîşan bide, qrîzê vegerîne dengan, desthilatdariya xwe bi parêze û bibe xwediyê pergala dewletparazêr a niha. Tişta ku AKP herî baş dike, siyaseta mexdûriyetê ye. Birêz Serokomar dibêje ku fersenda guhertina makeqanûnê ji dest çû. Kê ev fersend revand? Ma Hikûmeta AKP'ê nîne? Di pêvajoya hilbijratinê de bi soza guhertina makeqanûnê AKP'ê ku ji gel deng xwest, piştî hate desthilatdariyê, guhertina makeqanûnê ku ji bo xwe çêkiribû rakir refê. Ya rast di hundirê qirîza darazê ya ku niha tê jiyîn de, makeqanûna darbeyê ya niha heye. Nîqaşên îro yên têkildarî wekî 'Daraz bêalî û serbixwe nîne û siyasî bûye' rast in. Lev rewşek nû nîne. Heta niha, ma pergelek darazê ya ku dad belav dikir, mafên bingehîn û azadî diparast hebû ku îro xera bibe? Ev pergala darazê, di dadgeha Îstîklalê de bi sedan kes bêyî lêpirsîn û pirsiyariyê dema dişand dardakirinê ma siyasî nebû? Ev pergala darazê, dema Denîz Gezmîş darda kir, ma siyasî nebû? Ev daraz ma dema temenê Erdal Eren mezin kir û ew şand dardakirinê, ma nesiyasî bû? Ev pergala darazê, dema çanak li hovîtiya li Girtîgeha Amedê dikir, ji mirinan di bû temaşevan, ma siyasî nebû? Ev pergala darazê, dema şaredar kelepçe kirin û şandin girtîgehê ma siyasî nebû? Ev daraz, dema ku li zarokên temenê wan 13-14 ne 2 qat zêdetirî temenê wan cezayan dibire, ma siyasî nebû?"

DOZA TELEVÎZYONA ME LI ELMANYAYÊ ÎRO DEST PÊ DIKE

Dewleta Tirk bi rêya dewletê Ewrûpayê jî zextê xwe li ser Televizyona me kêm nake.

Û dadgeriya welatên Ewrûpayê dixwaze weşana televîzyona me ROJ-TVê asê bike.

Dewleta Elman ku sala 2008'an weşana ROJ tv li almanya qedexe kiribû û piştî îtiraza li cem dadgeriya Federal ev biryar Gulana 2009'an de hatibû betalkirin.

Ev doz îro li bajarê Elmanyayê Leipzigê saet derdorê 10: 15 deqeyan de dest pê dike.

Doza televizyona me îro li bajarê Leipzîgê li 6. Sanatoya Dadgeha Îdare ya Fedral pêk tê...

Ji bilî Kurdistaniyan, her weha parêzer Dr. Reinhard Marx û Dr. Berrthold Fresenius wê tevlî rûniştinê bibin û televizyona me biparêzin..

Wezîrê Karê Hundur Wolfgang Schaeuble 19'ê Hezîrana 2008'an, bi daxuyaniyekê weşanên televizyona me Roj Tv li Elmanyayê qedexe kirin....

Piştî biryara qedexekirinê, polêsên dewleta Elman bi ser şîrketa produksiyonê ya bi navê VÎKO a li bajarê Wupertalê de girtibûn û malê wê desteserkiribûn.

Dadgeha bajarê Leipzîgê serlêdana li dijî rawestandina biryara qedexeyê qebûl kiribû û herwiha du serlêdanên ROJ-TVê yên ji bo gilîkirinê jî erê kiribû.

7 SUBAYÊN KU DERKETIN PÊŞBERÎ DOZGERIYÊ HATIN GIRTIN

Di çarçoveya pîlana 'Balyozê' de, pêr li Tirkiyê, di nava wan de generalên Teqawit jî heyî 49 fermandarên leşkerî hatibûn binçavkirin.

Ji kesên hatin binçavkirin doh 7 ji wan doh piştî li dozgeriyê îfadey xwe dan, hatin girtin.

Li aliyê din ji bo rewşa derketiye holê binirxîne doh general û oramîralên Tirk tev li biryargeha Fermandariya giştî lihev kom bûn û civînek lidarxist.

Subay û generalên Tirk yên doh derketin pêşberî dadger û hatin girtin wiha ne: Albayê teqawit Umit Özcan, Tumamiralê teqawit Ali Deniz Kutluk, Tuğgeneralê teqawit Mehmet Kaya Varol, Albayê teqawit Ali İhsan Çavdaroğlu, Tümamiralê ku hê wezîfedar e Cem Ramazan Gürdeniz, Tümamiralê teqawit Özür Karabulut, dîsa Tuğamiralê hê li ser wezîfeyê ye Aziz Çakmak .

Kesên mijara gotinê ji ber ku 'li dijî deshilatdariya siyasî, bi rêya şîdetê plana darbeyê kirine' hatin girtin.

General û fermandarên din yên di bin çavan de jî, anîn edliyê û di van saetan de îfadeyên wan tên girtin.

Li aliyê din Serfermandariya Artêşa Tirk di malpera xwe ya înternetê de doh daxuyaniyek weşand û diyar kir, ji bo rewşa ciddî ya derketiye holê binirxîne, hemû General û Oramîralên wezîfedar li Biryargeha fermandariyê civînek lidarxistiye.

DOZA TELEVÎZYONA ME LI ELMANYAYÊ DI 24'Ê SIBATÊ DE YE

Dewleta Tirk bi riya dadgeriya welatên Ewrûpayê, dixwaze weşana televîzyona me ROJ-TVê asê bike.

Sibe li bajarê Elmanyayê Leipzigê doza ROJ-TVê pêk tê.

Dewleta Elman berê biryara rawestandina weşana ROJ-TVê dabû.

Dewleta Tirk bi destê dewletên Elman, Belçîka, Îtalya û Danîmarkayê hewldanên xwe yên ji bo girtina ROJ-TVê dewam dike.

Wezareta karê hundir a Elmanyayê 19'ê Hezîrana 2008 biryara rawestandina xebatên ROJ-TVê li Elmanyayê dabû.

Hat zanîn ku Elmanyayê li ser îhaleya keştiyên bin-deryayê ya Tirkiyê û îhaleya paqijkirina mayinan, biryara derbarê ROJ-TVê de daye.

Piştî biryara qedexekirinê, polêsên dewleta Elman bi ser şîrketa produksiyonê ya bi navê VÎKO a li bajarê Wupertalê de girtibûn û malê wê desteserkiribûn.

Dadgeha Rêveber a Federal a Elmanyayê 18ê Gulana 2009an xebatên Roj Tv qedexekiribûn.

Dadgeha bajarê Leipzîgê serlêdana li dijî rawestandina biryara qedexeyê qebûl kiribû û du serlêdanên ROJ-TVê yên ji bo gilîkirinê jî qebûl kiribû.

Doza ROJ-TVê ya behsa wê tê kirin, sibe pêk tê..

Rûniştina dozê wê saet li derdora 10'an destpê bike û çav li rê ye ku gelek Kurdistanî dozê bişopînin.

Encama vê dozê ji bo doza li Danîmarkayê jî bibe emsal.

BDP'ê li 3 navçeyan kongreyên xwe pêk anîn

BDP'ê li Navenda Çewlîk, Navçeya Kanîreşê ya Çewlîkê û Navçeya Bornova ya Îzmirê Kongreyên xwe pêk anîn.

ÇEWLÎK

Rêxistina BDP'ê ya Çewlîkê, 1'emîn Kongreya xwe ya Asayî li avahiya Navenda Navçeyî pêk anî. Di kongreyê de Şaredarê Kanîreşê Ferît Çelîk, Serokê Şaxa ÎHD'ê yê Çewlîkê Nîhat Aksoy, Serokê Egîtîm Senê Tuncay Şaşar û rêveberên BDP'ê amade bûn. Di kongreyê de Serokê Rêxistina BDP'ê ya Çewlîkê Niyazî Azak, binçavkirin û girtinên siyasetmedar û hilbijêrên kurd rexne kir û xwest dewlet dawî li girtinan bîne. Azak, anî ziman ku kurd dê têkoşîna xwe mezintir bikin. Di kongreyê de piştî hilbijartinê Selahattin Elçi ji bo Serokê Rêxisbtina Navenda Navçeyî hate hilbijartin.

KANÎREŞ

Rêxistina BDP'ê ya Kanîreşê di avahiya xwe de kongreya xwe pêk anî. Şaredarê Kanîreşê Ferît Çelîk, Serokê Rêxistina BDP'ê yê Bajêr Niyazî Azak, serokên navçeyan û gelek kes başdar bûn. Di kongreyê de Niyazî Azak axiftinek kir û bal kişan de ser axiftinên parlementerên AKP'ê yên BDP'ê hedef nişan didin. Azak, wiha got: "Tu kes nikare çalên asîdê nişanî gelê kurd bide û bi kelepçeyan razî bike. Gelê kurd dê bersiva vê yekê baş bide." Şaredarê Kanîreşê Çelîk jî bal kişande ser girngiya ziman û bang li hemû kesî kir ku bi kurdî gel zarokên xwe bi axivîn. Piştî axiftina hilbijartin hate kirin Şemsettîn Ozer bû serokê navçeyê.

BORNOVA

Li Navçeya Bornovayê ya Îzmîrê jî Rêxistina BDP'ê ya navçeyê 1'emîn Kongreya xwe ya Asayî li Navenda Ugur Mumcu a Bornoveyê pêk anî. Di kongreyê de Cîgirê Hevserokê BDP'ê Alaattîn Erdogan, endamên PM'ya BDP'ê Mehmet Bayraktar, Hayrî Ateş, Serokê Rêxistina BDP'ê ya Îzmîrê Ahmet Demîroglu, serokên Rêxistina DTP'a hate girtin ên Îzmîrê yên berê Mukaddes Kubîlay, Yusuf Kaya, Înîsiyatîfa Dayikên Aştiyê ya Îzmîrê, MEYA-DER, KURDÎ-DER, MKM-DER, ÎHD û nûnerên gelekî rêxistinên saziyên sivîl û bi sedan kes beşdarî kongreyê bûn.

Di kongreyê de Serokê Rêxistina BDP'ê ya Îzmîrê Ahmet Demîroglu, got ku "Em neviyên Seyît Riza, Şex Saîtan û rêhevalên Ahmet Turk in" Demîroglu, anî ziman ku ew dê her tem aşî û demokrasiyê biparêzin. Cîgirê Hevserokê BDP'ê Alaattîn Erdogan jî, balkişand ser 21'ê Sibatê Roja Zaman a Cîhanê û xwest hemû kes di nava malbatên xwe de bi kurdî biaxivin. Piştî axaftinên hatin kirin, di hilbijartinê de ji bo serokatiya Rêxistina BDP'ê ya Bornovayê Kenan Bîçer hate hilbijartin.

Gever û Kopê xwest kurdî bibe fermî

Gever û Kopê xwest kurdî bibe fermî

Li Navçeya Geverê ya Colemêrgê û Navçeya Kopê ya Mûşê bi munasebeta 10'emîn salvegera 21'ê Sibatê Roja Zimanê Zikmakî ya Cîhanê duxayanî hatin dayîn û hate xwestin ku kurdî bibe zimanê fermî û perwerdehiyê.

Şaxa KURDÎ DER'ê ya Navçeya Geverê, bi munasebeta 21'ê Sibatê Roja Zimanê Zikmakî yê Cîhanê li ber Otela Osloyê daxuyanî da çapemeniyê. Di daxuyaniyê de pankarên "Bila Kurdî bibe zimanê fermî", "Zimanê me rûmeta me ye", "Bê ziman jiyan nabe" hatin vekirin. Li ser navê komê Serokê Şaxa KURDÎ DER'ê ya Geverê Besîm Baykal, diyar kir ku pişaftin û astengiya li dijî ziman hê didime û xwest zixtên li ser kurdî bi dawî bibin. Piştre Davut Şedal, jî daxuyanî da û roja ziman a cîhanê pîroz kir. Şedal, xwest kurdî bibe zimanê fermî û zixtên li ser ziman bi dawî bibin. 

Li Kopê jî ji bo ziman daxuyanî hat dayîn 

Li Navçeya Kopê ya Mûşê jî endam û rêveberên TZPKurdî li ber Dibistana Seretayî ya Gazî daxuyanî dan çapemenyê. Berdevkê TZPKurdî yê Kopê Cevdet Yaşar, bal kişand ser pêkutiyên li ser ziman û xwest zixtên li ser ziman bi dawî bibin. Yaşar, xwest kurdî bibe zimanê fermî û ji aliyê makezagonan ve bê parastin.

Li gorî Aslanê AKP'î binçavkirina şaredaran tê mezinkirin!

Li gorî Aslanê AKP'î binçavkirina şaredaran tê mezinkirin!

Piştî daxuyaniyên Wezîrê Karên Gund û Çandiniyê Mehdî Eker ên der barê BDP'iyên hatine girtin de ên wekî; "Ji kelepçeyan re şikûr bikin", vê carê jî Parlementerê AKP'ê yê Amedê Îhsan Aslan jî ji bo şaredarên BDP'î yên hatine girtin wiha got: "Girtina çend şaredaran gelek mezin dikin." Cîgirê Serokê Giştî yê AKP'ê Salih Kapusuz ji girtina zarokên kurd ên mexdûrên TMK'ê ne jî 'saziyên cuda' ên ku navê wan neda berpirsyar girtin. Kapusuz pirsa der barê Xwedî û Midûrê Karê Nivîsan Vedat Kurşunê ku 525 sal ceza jê re tê xwestin jî bi bersiveke glover bersivand. 

Cîgirê Serokê Giştî yê AKP'ê Salih Kapusuz û Parlementerê AKP'ê yê Amedê Îhsan Aslan li Amedê li Cemiyeta Rojnamegerên Başûrêrojhilat bi rojnamegeran re taştê xwar û pirsên rojnamegeran bersivandin. Aslan got ku civak bi rikberî û dubendiyeke kûr re rû bi rû ye. Aslan îdia kir ku 'Pêşîlêvekirina Demokratîk' ku ya ji aliyê partiya wan ve hatiye destpêkirin herî zêde ji aliyê gelê Amedê ve hatiye fêmkirin. Aslan wiha pesnên kirinên xwe da: "Berê ji bo ku em biçin Pasûrê em di 14 noqteyên kontrolê re derbas dibûn. Dîsa cinayetên kiryar nediyar li bîra me ne. Berê kurdî jî qedexe bû. Lê em bi kêfxweşî dibînin ku desthilatdariya me ve qedexe bi dawî kir."

Cîgirê Serokê Giştî yê AKP'ê Salih Kapusuz jî îdia kir ku ew ji bo ku wijdana civakê temsîl bikin derketine ser rê. Kapusuz got li Tirkiyeyê pirsgirêkên gelek cidî hene û diyar kir ku yek ji van pirsgirêkan jî guhertina Zagona Bingehîn e û îdia kir ku ew ê Zagona Bingehîn biguherînin. Kapusuz daxuyaniyên muxalefetê yên der barê darazê de rexne kirin û got ew ê li ser riya xwe bi israr bimeşin. Kapusuz der barê 'cezakirin û girtina zarokan de' jî axivî û pirsên rojnamegeran ên der barê mijarên; "Girtina şaredarên BDP'î" û "Operasyonên di bin navê KCK'ê de tên meşandin" de bersivandin.

Qaşo girtina zarokan karê saziyên eleqedar e!

Kapusuz der barê pirsên zarokên di çarçoveya Qanûna Têkoşîna bi Terorê de tên darizandin û bi cezayên giran tên cezakirin de jî axivî û îdia kir ku ew hewl didin ku qanûnên der barê darizandina 'zarokên bi wan sûc tê kirin' de biguherînin. Kapusuz îdia kir ku hin hêzên nepenî zarokan istismar dikin û bê wan didin sûc û got ew ê hin sererastkirinên qanûnî pêk bînin. Kapusuz her wekî tu caran mudaxeleyî hiqûqê nehatiye kirin wiha got: "Em nikarin mudaxeleyî bûyerên zarokan ên ku gihiştine darazê kini. Çimkî ew tê nepixandin û dikeve rojeva Tirkiyeyê. Ji rewşa zarokan saziyên xwedî raye û têkildar berpirsyar in."

Kapusuz jî Eker piştrast kir

Kapusuz di berdevama axaftina xwe de, daxuyaniyên Wezîrê Karên Gund û Çandiniyê Mehdî Eker ku beriya niha li Amedê gotibû; "Berê li nava kolana însan dihatin kuştin. Tu kesê dengê xwe dernedixist. Niha hesaba kelepçeyan dipirsin" piştrast kirin û wiha got: "Divê hemû kes li gorî şert û mercan tevbigere. Şaştiyên berê li herêmê hatine kirin em dizanin. Şaştiyên hatine kirin gelek kêm bûne. Bûyereke wekî Xaburê hate jiyîn. Lê AKP hate sûcdarkirin. Kesên sûc kirine dê cezayê xwe bikişînin. Ligel van hemûyan tiştên hatine kirin dibe ku şaş jî bin. Em nabêjin ku em tu caran şaştiyan nakin. Kêmasiyêm me jî hene. Serdozgerê Komarê dibêje ew li ser Xabûrê lêkolînê dike. Ji bo ku AKP'ê ceza bikin lêkolînê dikin."

Ji bersivandina pirsa der barê Vedat Kurşun de reviya

Kapusuz bersiva pirsa têkîldarî Xwediyê Rojnameya Azadiya Welat Vedat Kurşun ku 525 sal ceza jê re tê xwestin jî wiha da: "Em ji van pirsgirêkan narevin. Ji bo rastkirina vê yekê çi ji destê me bê em ê bikin. Dibêjin desthiladarî bê qeyd û şert a gel e. Lê ev rastî bi Makezagona 1982'yan, veguheriye parçebûn û dubendiya di navbera sazî û dezgehan de. Nêzî 3 hezar zarok tên darizandin. Ji bo ku piştgiriyekê bidin darizandina zarokan em dê peywirên xwe bi cih bînin."

Li gorî wan girtina şaredarên BDP'î tê nepixandin!

Pirsa der barê girtina şaredar û gelek siyasetmedarên kurd di bin navê 'Operasyona KCK'ê' de jî ji aliyê Parlementerê AKP'ê yê Amedê Îhsan Aslan ve hate bersivandin. Aslan, îdia kir ku girtina şaredar û siyasetmedaran gelek tê mezinkirin û wiha got: "Heke kesên hatî di Xabûrê re rehete derbas bibin, ev yek tiştekî gelek mezin e. Gavên wisa yên wêrek nayên ditîn. Lê girtina hin şaredarên ku hêj dosyayên wan jî nayên zanîn bi awayekî dijwar tê lepirsîn û protestokirin. Kesên gel hilbijartîn bêsebeb nayên girtin. Li Tirkiyeyê paşayên teqawîtbûyî û serdozger jî ber sûcên kirîn tên darizandin. Girtina şaredaran a ji ber karên neqanûnî, gelek tê nepixandin."

Leşkerî li teqemeniyanên xwe xwedî dernakeve

Leşkerî li teqemeniyanên xwe xwedî dernakeve

Fermandariya Qereqola Gundê Muysan, ku di bihara 2009'an de li nêzî Gundê Mîrî qereqolek seyar ava kir û di payiza 2009'an de qereqol rakir, li şopa xwe teqemenî hişt û li teqemehiyên xwe xwedî derneket. Gundiyên ku li şûna qereqolê sewalên xwe diçêrandin teqemenî ferq kirin, serî li Qereqola Muysanê dan, lê ev 3 meh e hêj tu paqijî nekirine. Gundiyan, diyar kir ku berê jî gelek teqemenî li şûna qereqolan mabûn û bibû sedema gelek kuştinan. Gundiyan xwest di demek nêzîk de teqemenî bên paqijkirin. 

Fermandariya Qereqola a Cendermeyan a Muysan a Çewlîkê, li nêzî Gundê Mîrî di bihara sala 2009'an de qereqolek seyar ava kirin. Piştî demekê leşkeran qereqol di demsala payiza sala 2009'an de vala kir û li şûna xwe teqemenî hişt. Piştî gundiyên ku sewalên xwe li şûna qereqolê çêrandin rastî teqemeniyan hatin. Gundiyên ku li şûna qereqolê pezê xwe çêrandin rastî teqemeniyan hatin û çûn serî li Rayedarên Qereqola Muysan dan. Lê piştî 3 meh di ser serlêdanê re derbas bûn hêj rayedaran derbarê teqemeniyan de tu lêkolîn nekirine û li teqemeniyên xwe xwedî derneketine. Gundiyên ku ser perçeyê teqemeniyan bi keviran pêçan û serî li rayedarên leşkeriyê dan li bendê ne ku rayedar paqijiya zeviyê bikin. Gundiyên ku ev 3 meh e li benda bersîva leşkeriyê ne bertek nîşan dan û diyar kirin ku ewlehiya wan tune. 

3 meh derbas bûn lê leşkerî hêj bêdeng e

Têkildarî mijarê Muxtarê Gundê Mîrî Tacettîn Karakuş, diyar kir ku beriya ku qereqola seyar ava bibe li nava zeviyê teqemenî tune bû û piştî qereqolê bar kir û şûnde li şûna qereqolê teqemenî hatine dîtin. Karakuş, destnîşan kir ku li ser vê yekê wan serî li Qereqola Muysenê dane, lê ligel serlêdanawan ev 3 meh di ser de derbas dibe hêj tu lêkolîn nedane destpêkirin. Karakuş bal kişand ser buyerên berê û wiha got: "Di sala 1993'an de dîsa piştî operasyonê leşkeriyê teqemenî li pişt xwe hiştibû. Ji ber teqemeniyê Sadullah Yamaç û Ahmet Aydin jiyana xwe ji dest dabûn. Dîsa em bi talûkeyek bi vî rengî re rû bi rû ne. Em dixwazin di demek nêzîk de ev zevî bê paqijkirin." 

Jinan li Mexmûrê pirsgirêkên xwe bi civînekê nirxandin

Jinan li Mexmûrê pirsgirêkên xwe bi civînekê nirxandin Li wargeha penaberan a Mexmûr Meclîsa Îştar a Jinan xebatên xwe yên salekê bi civîneke berfireh nirxandin. Her wiha di civînê de rapora xebatê ya salekê hate pêşkêşkirin.  Meclîsa Îştar a Jinan a Wargeha Penaberan a Mexmûrê civîna asayî ya nirxandinên xebatên xwe yên salêkê bi tevlîbûna rêveber, endam û xebatkarên Meclîsa Îştarê li mala gel pêk anî. Meclîsa Îştar a Jinan li Wargeha Penaberên Mexmûrê ji bo xebatên xwe yên sala 2009’an binirxînin û ji bo plankirina sala nû ya 2010’an, civînek li dar xist.  Civîn bi deqîqeyek rêzgirtina ser giyanê şehîdên di têkoşîna azadiya gelê Kurd canê xwe fedakirine hat destpêkirin. Di civînê de notên hevdîtinê yên Rêberê Gelê Kurd Abdullah Ocalan û rapora xebatên salêkê hate xwendin, piştî xwendina rapora xebatên salêkê hatin nirxandın. Pêşniyarên çareseriyê Di civînê de pirsgirêkên wekî; perwerdekirina jinan, di temê bicûk de zewac, pirsgirêka qelen, zewicandina bi darê zorê û pirsgirkên keçên karker hatin nîqaşkirin. Li gorî nirxandina Meclîsa Îştar a Jinan Mexmûrê ji bo ev pirsgirêk bên çareserkirin ev pêşniyar hatin kirin; perwerdekirina jinan û ji bo di taxan de rêxistinên jinan hîn bêhtir bên xurtkirin û komîn û meclîsên jinan bên xurtkirin.  Her wiha biryar hate dayîn ku di bin Weqfa Jinan de ji bo keç û jin bibin xwedî pîşe, qursên wekî hunerên destan, kompîtur, tenduristî û dirûnxane bên xurtikirin, keçên ciwan û jin di Akademiya Şehît Jiyan de bên perwerdekirin. Dayîka Qumrî Sembola Dayîka Aştiyê ye Di civîna Meclîsa Îştar a Jinên Wargeha Penaberan a Mexmûrê de hate diyarkirin ku piştgiriya ji bo dayikên şehîdan, jinên şehîdan û zarokên şehîdan bê zêdekirin. Ji bo ku pirsgirêkên wan ên perwerdehiyê bên çareserkirin, biryar hate dayîn ku Endama Dayikên Aştiyê, Yadê Qumrî ku di meha sibatê de jiyana xwe ji dest da, wekî Sembola Dayikên Aştiyê ya Wargeha Penabaran a Mexmûrê pejirandin.  Ji bo plansaziya sala nû ya 2010’an jî, biryar hate dayîn ku xebat ji bo azadiya Rêber Gelê Kurd Abdullah Ocalan bê meşandin. Her wiha jinan biryar da ku ji bo pîrozbahiyên 100'emîn Salvegara 8'ê Adarê di wargehê de bi awayekî hîn xurt û bi coş derbas bibin, di semtan de û li taxan civîn bên lidarxistin, meşeke girseyî pêk. Meclîsa Îştar a Jinan li Mexmûrê di destpêka sala 2003'yan de hatiye avakirin. Meclîsa Îştar xwe di nava sê qadên wekî; civakî, siyasî û bîrdozî de bi rêxistin dike. Hemû jinên wargeha penaberan a Mexmûrê yên kar û xebatê dikin di bin banê Meclîsa Îştar a Jinên Mexmûrê de xwe birêxistin dikin.