DARDEKIRINA CIWANÊ KURD ÎHSAN FETAHIYAN LI STENBOLÊ JÎ REJÎMA ÎRANÊ HATE ŞERMEZARKIRIN

DARDEKIRINA CIWANÊ KURD ÎHSAN FETAHIYAN LI STENBOLÊ JÎ REJÎMA ÎRANÊ HATE ŞERMEZARKIRIN

DARDEKIRINA CIWANÊ KURD ÎHSAN FETAHIYAN
LI STENBOLÊ JÎ REJÎMA ÎRANÊ HATE ŞERMEZARKIRIN
Tevgera Azadî û Demokrasiyê, li Stenbolê, ji ber dardekirina ciwanê kurd Îhsan Fetahiyan, rêveberiya Îranê şermezar kir.

Çalakgeran ji bo pêşî li cezayên dardekirinên yên din were girtin, banga hestiyariyê kirin.

Çalakiya protestoyî ya Tevgera Azadî û Demokrasiyê doh li ber sefereta Îranê ya li Stenbolê, pêk hat.

Endamê Meclîsa DTP'ê Halîl Aksoy jî di nav de, gelek kes tevlî çalakiyê bûn û dovîzyên li ser nivîsandî 'Îhsan Fetahiyan nemir e' hildan.

Berdevkê Tevgera Azadî û Demokrasiyê Yaman Yildiz li ber deriyê seferata Îranê daxuyanî xwend û rejîma Îranê şermezar kir.

Yaman Yildiz anî ziman ku ew ji bo pêşî li dardekirina Îhsan Fetahiyan bigirin dereng mane û ji ber vê jî xemgîniya xwe anî ziman.

Yaman Yildiz cezayê dardekirinê, weke gunehê li dijî mirovahiyê nirxand û ji rêveberiya Îranê xwest ku dawî li cezayên dardekirinê bîne.

Yaman Yildiz bi bîr xist ku ji girtiyên kurd Şêrko Maerfî û Hebîbullah Letîfî jî, bi dardekirinê re rûbirû ne û ji bo astengkirina vê jî, banga hestiyariyê li raya giştî ya navneteweyî kir.

Çalakî bi siloganên 'Îhsan Fetahiyan nemir e' û 'Îran wê di xwîna dirijîne de bifetise' bi dawî bû.

© ROJ TV