Friday, March 12, 2010

Dewlet qetilkar o


12/03/2010

Ûygar GULTEKÎN-Şîrvan BAYRAM - STENBOL/DÎHA

Taxa Gazî ke 15 serr verî kişta hêzanê sîya yê dewletî ra zaf kesî amey qetilkerdiş. Nînan ra maya Zeynep Poyrazî Menekşe, hewna keneka xo ya 20 serre vîra nêkerda û her tim teravmayê qetilî cuyana. Mahla Gazî de zafêrey elewîyanê kurd cuyenêy. Menekşe ard ziwan vat: “Na dewlet dewleta qetilî yo. Kesanêy ke ze ey nîyê ra elewîyanê kurd qebûl nêkenêy. No tenê nê, ma tîvîyan de vînenêy baskê gedeyan şikenêy. Hem kotrayê dewletî gedeyanê ma kişenêy, hemzî ma dariznenêy.”
12 Adara 1995 de mahleya Gazî de dîroka Tirkîya de qetilê na virazya. Taxî de 5 kahwe, 1 pastaxane sero, gulevareynayiş pêk ardîy. 22 kesan ganê xo vinî kerd. Bi seyan merdimî travma ravêra. Hewna zî di ey travmayî de yê. Kesanêy ke ey roja sîya cuyay qiseyanê xo DÎHA ra vatîy.

KESANÊ ZE XO WAZENO
Menekşe Poyraz kêna xo Zeynepî qetila Gazî de vinî kerd. Û vat: “Na dewlet qatilkar o. Tenê vano wa heme kes ze mi bibo.” Û roja qetilî wina ard ziwan: “Ma Sarîyer de ronişenêy. Ez rakewta bîya. Zeynep mi cilan mîyan ra daweriznayiş. Televîzyon de amey vatiş ke Kêyê Cemî dayê gulevareynayişî ver. Ma şî Gazî. Kalê 90 serre sandalyeyî sero bi desî ra mix kerdbîy. Heme der û dorme gunî mîyan de bî. Ey cayî de ez qîrawa. Grûbê qirebalix bi. Zaf kesîy berdî bîy qereqolî. Hewna zî waştê ke merdiman bigê û berê. Ez zî kewta baskê Zeynepî û ma rayîra şîy. Zeynepî xo baskê mi ra visna û rema kewt qerebalixa merdiman mîyan. Ez amewa kêye. Pîyê ey şî Zeynep ard kêye. Siba Zeynep rayna şî mahleya Gazî. Seat 4 de telefon ame û vat. ‘Zeynep birîndar o.’

KIŞTÎ Û DAWA AKERDÎY
Menekşeyî vat: “Tîrkîya de ti cayê ey de edalet çîno. Ma şîy Trabzon ûca de 10 wesayitê ma perçe kerdîy. Koyan ra kerayanê gird eştêy wesayitanêy ma ser. Mahkemede kurdî dayê kêyanê polîsan ma paya vindarnay. Kontrogerîlayanê çeteyê dewletî ma kiştîy û ma ra doz akerd. Ma îşkence vîna. Verê ma birnay û vatîy: ‘Çatlîyî nêmirenêy welat perçe nêbeno.’ Û ma ney halî şîyê mahkeme.”

WA MAYÎY MEBERMÊ
Poyraz: “No dewlet yew kişt o. Tenê qabê xo esto. Qabê kurdan çîno. Qabê ermenîyan zî çîno. Heme welatijêy Tirkîya yê. Wa heme bêrê pê het. Aştî û biratêy bivirazyo. Wa çimanêy mayan ra hêsirîy mirijyê.” Û pîyê Zeynepî Cemal vat: “Alaqa Tirkîya û hiqûqî çîno. Mesela Şemdînlî, faîlî mechûlîy, qetila Gazî û zewbînî zaf êy. Bes o bes. Wa ma û pî gedeyanê xo dima megeyrêy û jan meoncê. Tirkîya de 17 hezar faîlî meçhûlî estêy. Denîz Baykal pawitoxeya Velî Kuçuk kerd û ze înan keno. Ti senî nîna pawenê. Ez hemeyan lanetnen.”

DOZA FAÎLAN KA?
Hakki Aradag 42 serre, dîyişanê xo wina vat: “Tirkîya waştê ke metrepolan de qaosê bivirazo. No ca zî Gazî de viraşt. Çimkî 85-95 de na mehle cayê tekoşeranêy welatparêzan bi. Lazim bi ke dewlet gere tîya de qetilê biviraştay. Yanê bi rayîra tersî waştê ke tikey çîyan bigê kontrola xo bin. Û ewro vejyayo orte ke qetil paşayanê Ergenekonî kerdêy. Faîlanê qetilanê kurdan mîyan û yê Stenbolî nêvînay. Ewro tenê doza darbeyan tenê yeno vînayiş faîlan nêvînenêy. Bi doza darbeyan mesele hal nêbeno.”
Esnafa bi nameyê Çîgdem Enul 29 serreya vat: “Qetlîyama Gazî dewama qetlîyama Dêrsimî yo. Ma nêwazenê ney ra pey biheciqyê. Wazenê ke azadeya mafanê ma, destanê ma ra bigêy. Ma perîşan êy. bêkarey resayo asta herî zêd.” Hasan O… xebatkarê paqijey o 55 serre yo, û vat: “Berpirsîyarê qetilî MHP û Tansû Çîler a. Semede ke nasnameya ney mehleyî elewî bi ra qetil kerdîy. Weneyê mi moncê, ez şîrketa teybet de xebityeni belkî zirar bivînî. Ema hetê şima de ez ca geni.”
Kadîr Dogan vat: “Şopa qetlîyamî hewna mehleyî de esto. No eybê Tirkîyayî yo. Gere qetilkaran bivînêy.” Serkan Alma: “Pey qetilîra merdimî jûbînî ra visyay. Heme çî sero bin bî. Kesanê ke kerdo dîyar o. Ma ney qetilî vîra nêkenêy. Koçberey dest pê kerdo.
Ahmed Gun: “Qîyamet visya. Maya şarî berma. Heme kesan TV de vînay. Heme kes zanêy ke kamî kerdo.” Yilmaz Karataş: “Pey ey rojî ra heme çî bedilya. Gazîya verê çîno. qetlîyam nîno vatiş gere bêro cuyayiş.”
Kalê kêyê cemî Velî Gusoy: “Ti kesan zî qetil qebûl nêkerd. No bes nêbi dawa berdî Trabzon no zî zilma diyin bi. Yanê hezmkerdiş ra avar çîyê nîyo. Rayîrî de bend viraştîy, kera eştîy, zilm vînay welhasil îşkence nêqedyayo. Waxto ke ti qabê karî sere danê cayê eg mehleya Gazî bo seredayişê to qebûl nêkenêy.”


No comments:

Post a Comment