Saturday, March 13, 2010

Ji bo Celaliyan li Norwêcê çalakiya komkirina îmzeyan

celaylan2


10-03-13
Girtiya siyasî ya Kurd Zeyneb Celaliyan ku bi cezayê îdamê re rûbirû ye û di girtîgeha Kirmaşanê de dihate ragirtin, ev meheke ji aliyê hêzên Îtla`atê ve ji bo ciyekî nediyar hatiye veguhestin û fikar hene ku dardekirina wê di rojevê de be.

Piştî ku parêzerê Celaliyan, Xelîl Behramiyan di vê derbarê de agahî dan raya giştî, Kurdistaniyan zor dan çalakiyên xwe yên piştgiriyê.

Komîteya Yekîtiya Jinên Rojhilatê Kurdistanê û Komîteya PJAK`ê yên welatê Norwêcê jî, ji bo ku bala raya giştî bikişînin ser rewşa Zeyneb Celaliyan, Şîrîn Elemhulu û girtiyên din yê Kurd li Îran û Rojhilatê Kurdistanê, ku bi cezayê îdamê re rûbirû ne, li ber parlemena Norwêcê çalakiyeke îmze komkirinê dane destpêkirin.

Çalakiya Kurdistaniyan wê her roja şemiyê di navbera saet yek û nîvê paş nîvro û şeş ê êvarê de birêve biçe.

No comments:

Post a Comment