Saturday, March 13, 2010

Qetlîyama Qamişlo edaletî geyreno



13/03/2010


Sûrîye de 6 serran verî kurd û ereban mîyan de raya sifteyin pêrodayiş vejya. Dewlet kesanêy ke qetilî kerdîy nêtepişt û nêvet dadgehî ver.
Takima fotbolî ya Derazor û Qamişlo 12 adar 2004 de kay kerdîy. Kaykerdişî de qewimîyayişî virazyay. Demê kilm de kurd û ereban da jûbînî ro û mesele zaf gird bi.
1979 de serekê PKK’î Abdullah Ocalan waxta ke ravêra Sûrîyeyî tekilîyanêy ereb û kurdan weş bi. Encax demanê peynî de no rewş bedilyayo. Kaykerdişê maça 12 adara 2004 de 29 kurd, 4 ereb û 19 gurekaranêy ewlehey cuyê xo vinî kerdîy. Na qewimîyayiş mîyanê DYA û Sûrîyeyî akerd. Çimkî, eyaleta Cizre de erebî heme kişta Sedamî bîy. Endamê PYD Xebat Cizîrî vano no provokasyono.
Xebat Cizîrî ard vat: “Şerê Iraqî de kurdan zaf çî girotbi. Nêy çî zorê erebanê Sûrîyede berd. Ereban waşt ke Sûrîye de kurdan têk berêy. Ney sero ereban Haseke, Dere û ze ney cayan de kurdan taciz kerd. Qamişlo zî hêrsa ney bi.”
ÇIRA CIZÎR?
Serranêy 1970 de ereban 140 kurdan cayê înan ra day koçkerdiş. Erebanê Rakka û Halep amey cayê înan. Ney kesî sempatîzanê Saddamî bîy. Şerê Iraqî de zorê nînan şi. Cizîrî vat: “Sûrîye de sîyaset heme herêma Cizîr de beno. Heme kes ey vina zano.”

ÇEK DAY EREBAN
Serewedaranayişîy 13 adarî de Amûd û Haseke dest pê kerd. Demê kilm de herêma Cizîr de vila bi. Fûat Omer ard ziwan ke, no hereket herekata eşîran nêbi. Û vat: “No hereket herekat Apocîyan bi. Bi ruhê Apocîyan şar serewedarna. Tarz tarza Apocîyan bi. Verê înkara kurdan de no hereket ame kerdiş. 14 adarî de Kobanî de, 15 adarî de Efrîn de, 16 adarî de Halep de qewimîyayişî vejyay. Hetanê Şam de zî bîy. Hêzanê ewlehey mecbûr mendî ke, herêmanê kurdan ra xo boncê û ontîy. Dewlet kewt heyecanî û nêzanay ke se biko. Û girot çek da eşîretanêy ereban ke ewleheya xo kurdan vero bipawê. Ney sero erebî dûkan, kêye û malê kurdan talan kerd. Û vatî, ‘malê kurdan helal o’ û şelandina kurdan kerdîy. Kurdanêy ke waştîy kêyanêy xo ra bivejyê veşnay û kiştîy.”

SÛRÎYE Û KURD YEW MASA
Xebat Cizîrî ard ziwan ke, dewleta Sûrîye mecbûr mend ke kurdan de yew maseyî de ronişo. Û vat: “PYD bi mi ra qalî kerd. Mi zî şert û mercanêy xo wina vat, gere girotoxî bêrê veradayiş. Zirar tazmîn bibo. Tahrîka dewletî ya kurdan sero gere bivajyo. Meseleya kurdan esto gere bêro qebûlkerdiş û çareserkerdiş wa bibo. Rayxistişanê kurdan yên bînî paştî nêday ma. Înan vatê ma qewimîyayişan bivindarnêy. Ney ra talebanê ma nîyamey qebûlkerdiş. Qetlîyama fitbolî ze rojane ame vînayiş. Ema peyra vînayişê na ma pêk ard û hikûmatî soz da ke dê çareserey bivînê.”

SOZ NÎYARDÎ CA
“Dewletî tikey girotoxan verada. Qewimîyayişî hima kî qedyay. 12 adarî de kurdan Newroz pîroz kerd hêzanêy dewletî nêşikyay ke nezdî kurdan bibê. Yanê tikey çî qebûl kerdîbî. Ema heme sozanê xo nîyardî ca. Meseleya kurdan qebûl kerdbi ema çareser nêkerdbi. Gere nasnameya kurdan bidanay ema nêday. Qewimîyayişan de 150 kes hewna giroteyo.
Fûat Omer vat: “12 adarîra naşt kurdan xo daha weş sinasna. Dewleta Sûrîye ney ra pey bi rehetey nêşeno qetilan bivirazo. Ne şarê teber nê zî yê zere nêşenê hereketa kurdan bişiknê û gora xo teşe bidê. Heme çî gora waştişanê kurdan beno.” QAMIŞLO - ANF

No comments:

Post a Comment