Eg kurd bo her çî mubah o!

19/02/2010

Çîmen GUMUŞ - AMED/DÎHA Serbazê ke bi nameyê Mehmet Akkaya pêrodayişî de birîndar bi. Wezareta karê zereyî qabê tazmînat bido malbata Akkayayî, 2005 de, malabatanê, eynî pêrodayişî de gerîlayanêy PKK’î ke cûyê xo vinî kerdîbîy ra, qabê ke M. Şîrîn Şeker û Veysî Ulgen ra, tazmînatî bigo ra, dawa akerdbi. Doz 2006 tazmînata Akkayayî da. Biryara dawayî 4 serran de, teblîgatanê ke amey eşrawitî kênîşanê (adresa) şaşan. Ema 2009 de teblîgata ke îcrayî, bi destanê xo ardîy teslîmê malbatî kerdîy. Birayê Şekerî, Metîn Şeker, “Dewlet hem ma kişeno hemzî zilm keno.” Pawitoxê malbatî Abdullah Çager zî ard ziwan ke, eger dawa kurd bê se, sûc şaxsîyeta xo vinî keno û mana xo weno. Qeza Qulp de 1995 de pêrodayişî de gerîlayanê PKK’î Veysî Ulgen û Mehmet Şîrîn Şeker, bi temamî 5 gerîla cuyê xo vinî kerdîbîy. Serbaz Mehmet Akkaya zî birîndar bibî. Akkaya, wezareta karê zereyî ra doz akerd. Pey dozî de, Akkaya xazîneyî ra 1998 de 2 hezar û 982 TL û 50 kr tazmînat girot. Dema hikûmeta AKP’î de, qanûna ke veta de vana: “Tazmînata ke xazîneyî ra yeno dayiş, gere berpisîyaran ra bêro girotiş.” Ney sero, wezaret, 2005 de malbatanê Şeker û Ulgenî ra dawa akerdo. 4 SERRAN PEY RA ÎCRA AME Malbatî agahdar nêkerdîy û doza ke tazmînata Akkayayî dabi, 12 serran pey ra doz qirar girotibi û îcra ardibi malbatanê Şeker û Ulgenî sero, ke pereyê 2 hezar û 982 TL 50 kr, bi faîza xo, bibi 18 hezar û 349 TL û 61 kr malbatan ra bigê. 1994 de, malbata Şeker, koç kerdibi û şîbi Îzmîr. 2008 de apeya amebi Qulp dewa Akbûlakî. Edene ra roja 4 sibatî de lijneya îcraya 12’in, teblîgata îcrayî eşraweno dewî. Teblîgî de yeno vatiş ke, hetanê yew hawteyî gere no pere bêro dayiş. BIWAZÊ VÎNENÊ Şeker ard ziwan ke 2006 de teblîgat eşrawitê kênîşananê şaş nêeşrawitê ma ra, hewna biryar bi halê dê fermî teblîgê ma nêkerdê. Semedê ke ma agahdar nêkedê ra heqê ma ke ma îtîraz bikerê zî wedaryayo. Hinî kerdê ke, ma mecbûrê dayişê ney tazmînatî bikê. Şeker wina donma: “1995 de birayê mi şehît kewt. No gam doza ke tew xebera ma cira çîno ra, ma kewtê lepanê îcrayî mîyan. Dewlet hem zilm keno hem zî, kişeno û doz akeno. Birayê ma ameyo kiştiş, ma doz anêkerdo. Leşkerê înan birîndar bîyo, înan doz akerdo! Teblîgat eşrawitê cayanê xeyalî. Heme çî xo mîyan de plan kerdê û hadre kerdêy. Hikûmeta AKP hak û adaletî ra bahs keno, merdim şaş maneno. Kesê kişenê û şinê malbata eyra tazmînat genê!” Şeker nêzano ke malbata Ulgenî çica de cuyena. KA ÎLKEYA ŞAXSÎYETÎ Pawitox Abdullah Çage zî ard ziwan ke, huqûqa gerdûnî de îkeya cezayanê şexsîyetî esto. Ney rewşîra kes nêşeno malbatan mafdar bivîno û çîyê înan ra biwazo. Û wina qal kerd: “Ema mesele kurd bê se, heme çî pey çiman kenê û bi halê de rehet hereket kenê. Gora huqûkî xalanê 180 û 179 de, kesê ke merd pey ra, mîrasvaranê ey ra doz nêabîyeno. No xal ameyo îhlalkerdişî. Eg mahkeme no çî nêvînayo û paş goş û çim kerdo se, mahkeme qanûn îhlal kerdo û xosereya xo dayo kiştê û xizmeta çîyanê bînan keno.” Eg teblîgat waxta xo de nêeşrawitbîyay, kênîşananê gora kêfîyeta xo ra se, bieşrawitaynê malbatî ra, îtîraza ma do bibîyay û dadgeh dê ceza biwerdaynê. Ema rêz ameyo îcrayî, hewna teblîg ardê rayîra kêyî sero û teblîg anê danê kêyeyî. No çî bi zanayişî ameyo kerdiş. Û Çege vat: “Malbat Amed ra yo, doz Edene de ameyo akerdi û vînayiş. Ema biryarî eşrawenê qezaya Edeneyî ra yew î. No çî de, wezaret û dadger pîya plan kerdê, ney ra aver çîyê nîyo.”