Qabê ke pêrodayiş nêbo ma ci danê

20/02/2010

Pawitoxanêy Serekê PKK Abdullah Ocalanî pêvînayişê xo ê hawteyin pêk ardîy. Ocalanî ard ziwan ke, êy qabê ke pêrodayişî mebê ra, xebatan kenêy. Û wina donma: “Tirkîya de vengeyê esto. Kurd û hêzanê demokratîk, eg ney vengey pir mekê se, vinîbîyayiş û şer dê bi şîd bibo. Eger pir bibo se, verê rayîra aştî abeno.” “Semsûr de kêneka ke, bi gan kerdê mezel wahşetê yo. Semsûr cayê tarîqata Menzîlî yo. Beno ke girêdayeya ey bibo. Abmazanê zîndanî şikyenê ney sero bivinderê û cibikenê. Şikyenê roman, hêkaye, maqale û nuşteyan binuşnê. Waxtê înan esto, şikyenê ney sero perwerde bivînê. DTK zî qewimîyayişanê winayinî gere ze problema xo bivîno û bixebityo.” VENGEYÊ ESTO “Ambazanê DBH’î şikyenê beşdarê BDP’î bibê. Wazenê wa partîyêna wa bêro virazyayiş û di bin banê ey de gurey xo bikerê. No yewbîyiş muhîm o. Pratîk de xebat lazimo. Qasê ke mi fam kerd, tikey nêoncîyayişî estê. Ze, dewlet şîdet bi înan sero bikerê û destûr nêdê, yo. Ney mijarî de, wa rehet bê. Tirkîya de vengeyê esto. Kurd û hêzanê demokratîk gere ney vengey pir bikerê. Eg meyro pirkerdiş se, şer ê bi şîdet eyseno. Eg pir bikerê se, vere aştî de rayîr abeno. Eg faşîstanê ze MHP û CHP ney vengey xerç bikerê se, Tirkîya de xetimyayişê dê zaf gird dê bibo. 1965-68 de TÎK weş berz bi. Ez ey demî de mi wendişê zanisteya sîyasalî kerdê. Rahşan Ecevît waxto ke ame zanîngehî, çepijan ey ra vat: “Şima zereyê çepijan veng kenê.” Ey demî de çepijî zaf bi hêz bîy. Tawrê înan zaf wişk bi. Ecevît înan eşt teber. Gere herekata ciwananê ey demî weş bêro wendiş û famkerdiş. Vengeya na gamî zî, gere demokratanê radîkal ra bêro pirkerdiş. Ney ra, ferzo ke, çepijî bêrê pêhet. Se kenê wa bikê, gere vengey pir bibo. BDP ze partîyanê verî gere mebo. Nijatperesteya xo a kan ra, wa fek verado. Gere xo ze partîya radîka a Tirkîyayî bivîno. Demokrasî gere bêro bikarardiş. Eg no mebo se, ez mecbûr bimanî ke bivajî, Ergenekon ra bandor giroteyeyo. Qabê çareserey 93 ra yo ke, xebatanê ma estêy. Bi Ozalî ra têkilîyanê ma bîy. Heme çîy nêqedîyaye yê. Hêvîya ma a newe dewam keno. Ema tîya Tirkîya yo, se beno nêbeno belî nîyo. Eg aştî bêro se, bandora ey Pakîstan ra hetanê Yemenî dê bibo. Heme cayan ra modelê de newe, dê bêro bikarardiş. Eg aştî nêbo se, terikyayeyanêy zaf gird ê şerî bivejyê. Qabê ke nê nêbê ma ci danê.” NÊVERDANÊ PARTÎ AKÊ “Bi serrano ke nêverdanê elewî partî akê. Vanê ma dê bibê partî ema veranêdanê. Ze ke bi zanayişî wina kenê. Vengeyê esto. Wazenê hêzanê tîya de yê, bê bandor veradê. Gora anketan BDP seyî ra 7-5 eyseno. Gora mi zî, 10 ya zî 10.5 o. Ez şaş bîya. Demaxkî, xo weş rayxiştiş nêkena. Eg bêrê pêhet se, dê biresê 15’an. No wina bo se, dê aştî daha rew bêro. Sarigul ze, gêleyan xebat keno. Eg Sarigul ney şikyeno biko se, BDP çira meko? BDP sifte şikyeno xo di Konya, Bûrsa, Stenbol, Îzmîr, Edene de rayxistiş bikera.” “PKK biryara xo bi xo dano. Hetanê biharî heme çîyan ra hadre bo muhîm o. Hetanê mi ra bêro, ez o, xebata aştî bikerî. Beno ke, ney ra pey weşeya mi dest medo. Ez di boy girotişî de zehmetey onceni. Ez xo ver dani. Veng dani AKP’î wa heşê xo bigo serey xo. Wa operasyonan ra, sîdetî ra fek verado. Qabê aştî wa xebat bikero. Sancîyanê bê çaretey zaf êy.” ÎRAN 90’IN CUYENA Îran de faîlî meçhûlî ze serranê 90’in ê Tirkîyayî zaf bîyê. Zaf bêhemetey de ya. Ez şarê kurd ke îdam bîyê ra serweşey û sebr wazeni. Berxodananêy înan selam keni. Êy şikyenê xo bipawê. Kesanê ke hedef de yê, şikyenê xo boncê Zagrosan sero. Yên bînî şikyenê dewan de bimanê. Eg Amerîka Iraq ra xo bonco se, benoke Erebî erîşê kurdan bikerê. Ney ra, beno ke qirkerdişîy pêk bêrê. Wa konferansê pêk bîyarê. Heme şaranêy ey cayî wa konferansî de bibê. Bi halêdê demokratîk gere xo bîyarê ziwan. Eg wina nêbo se, kurdî dê zaf talûkeyanê girdan ra, rû bi rû bimanê. Bi îdama Seddamî dijminateya kurdan sero daha zêd bîyo. Eg çareserey mebo se, Erebîy belkî Hîtlerî ra daha zafêrî, kurdan qetil bikerêy. Ez şarê ma ê Sûrîye zî selam keni.” KOMPLO VENG VEJYA “Ez şarê xo ra spas keni ke, înan serrageyrayişê 12’ê komployî zî şermezar kerdîy û veng vetîy. Verxodayişê şarî komplo veng vet. Armanc îmhakerdişê mi bi. No zî, veng vejya. Ez şikyeni ke bi rehetey vajî ke, berxodana şarî, warêtaya şarî, talûkeya, îmha û qirkedişê şarê kurdan, êy sîyasî vero da vindarnayiş” QABÊ ŞAR XO BIPAWO… “Ez ney vani, ney ra pey wa şar qabê ke xo bipawê hêza xo bivirazê. Rayxistişanê xo daha gur bikerê. DTK rayxitişeya kurdan a sivîl a. BDP zî, hemeyê Tirkîya de qada legal a sîyasî de xebatan kena. Bi KCK’î girêdayeya ey organîk çîno û nêbena zî. Ema bi înan ra, gere dijminatey zî meka.” “Rojanê vînayişanê ma hawteyî de vejyay 3 rayan. Rewşa weşeya mi ze verî yo. Gora ke vanê, rewşa ma a tîya dê daha weş bibo.” Ez selamanê xo eşraweni şarê Çermûg û Mûşî ra. Zîndanan ra nameyan geni. Erzirom, Semsûr û Mûşî ra girotîy. Ez nêşeni hemeyan ra bersiv bieşrawî. Selamanê xo hemeyan ra eşraweni. Ez ambazanê xo ê zîndanan ra zî, selamanê xo eşraweni. STENBOL - ANF