AKP astengeya herî gird a

06/03/2010

Serekê PKK’î Abdullah Ocalan pêvînayişê xo yê bi pawitoxnanêy xo ra viraşt. Ocalanî ard ziwan ke, dewleta Tirkîya hadreyo ke mesela kurdan çareser biko, ema AKP verê çareserey de asten a. Ze halbikero xo ta dana eysayiş, ema binî ra tasvîye kana.

Ocalanî bal otn weşaya xo ser û vat. “Weşeya mi ze verî yo. Problemanê ke estbî hewna berdewam êy. Ez mûsayanê, ema ambazanê ma êy bînîy deyax bikê nêkê ez nêza. Weşeya mi sîstema zîndanî deste yo.”

WAXT ÇÎNO MA BIPAWÊY

“AKP her hal dakewto bindê 30’an. CHP û MHP nêşeno rayanê xo berz biko. Bêkarey ze koyê gird bîyo. Nezdî 15 mîlyon weçindox estêy. Hewcedareya nînan bi partîya newe esto.”

“Ney ra ez partîya sîwane muhîm vînen. Problemêy ma zaf zaf êy. Wa giraney bidê xebata partîya newe. Ciwanêy verî zaf bi qiwet bîy. Bi rayxistiş bîy. Waxta ma ya vindartişî çîno. Wa BDP şikyeno bajaranê rojavayî de xo rayxitiş bikero.”

AKP TIRKÎYA KAY DANO

“AKP vano ez paketî ani meclîs no kaykerdişî ra aver çîyê nîyo. Wazeno ke verê grûba BDP’î bigo. Bi şert û mercanê benda weçînayişî davistiş qîm nêkeno. Lazimo ke zîndanî veng bibê. Zagona antî-teror bêro wedarnayiş.”

“Eg AKP samîmî yo se wa sifte zîndanan veg biko. Ma verê zagona demokratîk de nîyê. Mi hîrê xalanê esasî vatbi. Ya çarin zî mi na pa. Nêy, welatê demokratîk, netewê demokratîk, komara demokratîı û zagona demokratîk êy. Ma bi di şertan şikyenê paştî bidê pakêta AKP ke dê bêro meclîsî. Ya sifteyin vatişa BDP ya bendî ya, ya diyin zî, werdarnayişê zagona antî-teror a. Ez gedeyanê zîndanî û heme kesanê zîndanî de yê ra selamanê xo eşraweni.”

AKP BEXÎL A

“AKP bi dil waşte nêwazena ke mesele hal bibo. Bin ra, bi sîyaseta xo ya qilêrin, kena ke sîyaseta kurdan tasvîye bikera. Gedeyan eşrawena zîndanan û qala demokratîkbîyişî kena! AKP verê hereketa kurdan de astengeya herî gird a. AKP bexîl a. Di ney mijarî de dewlet AKP ra daha zaf wazeno ke mesele hal bibo. Sazî û dezgeyê nêşeno ey vero vengê xo bivejo û çîyê cira vajo. Waxta ke mi ardî tîya, 4 sazîyê dewletî qabê çaresery amey hetê mi. Mi înan ra vat hêza şima qîmê çareserey nêkeno. MHP asteng bi. Hinî zî vejya. Ewro zî AKP yo. AKP ze çareser biko eyseno ema bivir dano piro. Nêverdano ke sîyaset kurdan avara şêro.”

HEGEMONYA SIPE-KUWE

“Tirkîya de CHP û MHP nasîbê xo hîtlereya Almanya ra giroto. Nêy hêzanê sipe yê. AKP zî hêz a kuwe ya. Çimeynîyeya kuwe ya AKP’î xo derg keno hetanê Îngilistan û Amerîkayî, Anglo-Sakson o.”

“Polîtîkaya AKP nerm eyseno û rîyê xo nerm tepêşeno. Ema binê ey rîyî de zaf wişkey û dek û dolabî estêy. Ferzo ke gere no bêro vînayiş. Sîyaseta dirîtey xizmeta şaran nêşeno biko. Biney hawayî keno ke tavsîyeyî pêk bîyaro.”

“Polîtîkaya serranê 90’in de ya Çîlerî ra, AKP daha xedar û pexîl a. Ney di hegemonyay zaf talûkeyê. Cengîz Çandar qala xeteyanê Lozanî kerd. Vat: “Eger Tirkîya xetayanêy Lozanî mekerdaynê se halê Tirkîyayî wina nêbîyê.” Ne cayê hew tirkteya ey demî û nezî hew kurdîteya ney demî çîno.”

NÊY HAWTEY MUHÎM ÊY

“Nêy hawtey hawteyanê qirîtik êy. Ez qabê çareser kerdişanê xo, hetanê mi ra bêro dê bikerî. Mi daxûyaneya Cemîl Bayikî ya çend hawteyan verîy wend. Vano ma şerê dê fînalî ra amedeyê. Tabî kî eg şert û mercîy bi aştî avara nêşêro sere se, şer gur beno. Vano çarh perçeyan de zî amayişê koyan sero zaf bîyê.”

“Ez rayna vani, ez wazeni gurey xo yê dîrokî kaybikî. Ez talîmat nêdani PKK’î, ez di rewşa dayişî de zî nîya, dayişê mi zî raşt nîyo. Ney hawteyî zaf muhîm ê, eg çareserey nêbo se, şer dê giran bibo.”

AKP’Î RA ÇÎYÊ MEPAWÊ

“Ciwananêy kurdan gere heme kiştan ra zaf jîr bêy. Rayîra demokratîk ra rîyê xo meçarnêy. Kurdîy wa ney ra pey deweletî ra çîyê mepawêy. Rayxistişa xo ya demokratîk wa hîra bikerêy. Semsûr û Meletî de kênekan xo veşnay. Ez serweşey malbatanê înan ra wazen. Eg komîteyanê civakî bîbîyay wina nêbîyê. Eg akedemîya sîyasetî bibîyay hal wina nêbîyê. Ciwanî gere ruhê demokratîkbîyişî bigê se întîharî nêbenêy. Çarereya verê çîyanê wina girotiş, bi komînanê ke bivirazyê de ravêreno. Elîh de întîxara cenîyan zaf kemî bi. No rayxistişeya demokratîk ra bi.”

8 ADARÎ PÎROZ KENI

“8 Adara roja cenîyan ez pîroz keni. Selam û hezanê xo înan ra peşkes keni. Verê Sumeran anaerkîley bi. Dema înan de no ageyra ataerkîley. Hewna zî wina yo. Di felsefa ma de wirdin kiştî zî estêy û yewiyeyî ma esas genêy. Eg wina nêbo se, halê cenî û mêrdeyan xedar ê kapîtalîstan mîyan de herimyeno. Na felsefaya newe di pirtûka mi ya newe di Sosyolojîka Azadey de bi halê dê hîra esto.”

Serekê PKK’î Abdullah Ocalanî qiseyanê xo wina qena: “Ez selamanê xo Dêrsim, Sêrt, Kurtalan û Erûh ra eşraweni. Zîndanan ra nameyî mi ra amey. Ez rayna ambazanê ma yê zîndanan ra selam û hezanê xo eşrawen. Trabzon, Rîze Kalkandere, Sêrt, Elîh, Semsûr, Îzmît, Mîdyat, Erzirom ra mi nameyî girotîy. Hemeyan ra selamanê xo eşrawen. Waştişan mi înan ra wa hemeyî xebata felsefa xo bikê.” STENBOL – ANF