AKP fam kerdo, BDP a Tirkîya yo

13/02/2010

Semedê serrageyrayişa 11 ê qomploya ke dinyayî a ke, bi Serekê Kurdan Abdullah Ocalanî sero ame kerdiş de, Ocalanî ard ziwan ke, qomplo bi vindertişê mi, ê bi sebir û çalakîyanê şarê kurd, veng vejya yo. Pawitoxanê Serekê Kurdan Abdullah Ocalan pêvînayişa xo a hawteyin pêk ard. Ocalan xebata bawerîyanê Mezopotamyayî weş vîna û vat: “No gere heme bajar de bibo xebatê dê cemawerey (kûrûmsal). Eg wina bibo se, daha weş xebat dê bêrê kerdiş. Ez ney qabê kongra Civaka Demokratîk vani, esasê mezg û ramana înan gere no bo. Qabê çareserey no çî weş o. Semsûr de kêneka ke nameyê ay, Medîne ya û bi saxey kerdê mezelî çîyê de zaf bi ters o. Eslê xo de o tenê nê, heme cenîy ameyê binaxkerdiş û ma heme kerdê binax. Gora îslamî zî no wina yo. Ze ney zaf qewimîyayişî estê, gere heme çarese bibê.” KCD KOMUNA ÎNŞA BIKO “Demokratîk komunalizm; bingehê esasê civakî yo. Gere heme kes bi rayxistiş bo. Hetanê sere gere wina bo. Mesele di dewê de çend merdimê demokratîk ê raşt ê çînê? Ha ney kesî, wa bêrê pêhet û komunê bivirazê. Ney kesî wa çaresereya probleman xo mîyan de bivînê û bikê. Armanca KCD ke Amedî de yo, no yo. No çî, gere zaf rew bêro viraştiş. Ma, erey mendî. Amedî de bi 100 komunî kê şikyeno bivirazo.” BDP’Ê KCK RA CÎYAYO “Nedarê gere ma xalê de cîya bikê. KCD çîyê yo, BDP çîyê yo. Karê KCK’î bi înan ra çîno. Çîyê zaf cîya yo. KCK koyan de xo rayxistiş kena. Beno ke bajaran zî xo rayxiştiş bika. Lazimo ke, bi BDP ra, eynî herêmî de xo rayxistiş meka. KCK çahr perçeyan de xo rayxistiş kena, lijneya ay bi xo esta. BDP dergeya kesê legan nîyo. Ney gere ma bi halê dê akerdê bivajê. Ma dijminê înan zî nîyê. Feqet wa nêvajê alaqeya ma bi înan zî çîna.” BDP PARTÎYA TIRKÎYAYA “Kongra Civaka Demokratîk qabê viraştişê komunal ê kurdan bivirazyo ra esto. Xebatê de lega o. Gere bawereya girîngeya ney xebatî bêro kerdiş. BDP partîya Tirkîyayî ya. No di raştey de wina yo û gere wina bibo zî. Çimkî bê ney çaresereya ma çîno ra, no wina yo. Rayîra a raşt ke ma zanê zî no yo. Ez çepî fam nêkeni. Êdî wa bêro xo. Çep hewna 1920 de qetilkerdişê Mustafa Suphîyî roşnî nêkerdo. Çepijî hewna di bin badora ney de yê. Îhtîyacê Tirkîyayî bin înan esto, xo rizgar bikê. Çepijî hurus serro ke nuşenê, bes o, ney ra pey wa pratîk bikerê. Çira hereketê nêkono pratîk û nêbeno partîyê? Benê ke bikûrê BDP mîyan. Beno ke ze banê bo zî. Waxta k evinî bikerê nêmendo. Mahîr Çayanîy, Denîz Gezmîşîy bele sebep cuyê xo vinî nêkerdîy. Ê ambaznanê mi zî bîy. Gere rûmeta înan ra wayirtey bêrokerdiş. Ez 40 serro ke têkoşîn dani. Ez tim vani, ez Mahîr Çayanî ra zaf çîy mûsaya. Eg Çayan mebîyay se, ez û ambazanê xo nêbîyê. Îbrahîm Kalpakkaya zî wina yo. Tîya bi ambazanê xo ê TÎKKO ra nîqaş kenê û ma çîyanê neyînî vejenê tebere.” CIVAK GERE SOSYAL BO “Gere paradîgma ma no bo, şar binî ra hetanê serê bi rayxistiş bo. Verê problemanê rojanê û yên bînan pratîk bibê. Çareserey bivînê û bîyarê ca. Ma şikyenê sosyalîzmî bi ney hawayî bîyarê meydan. Komunanê Parîsî ceribnayişê dê weş bi ema, nîyame famkerdiş. Bîyê ke Marks zî biresaynê sosyalîzma ke waştênê. Ema peyra dewletî dest eşt sosyalîzmî û heme çîy vila bîy. Dewelet neşeno bibo sosyalîst. Civakî benê sosyalîst. Ney ra ma vanê Civaka Demokrat gere bêro avakerdene. Dewleta netew di rû yo. Dewlet û welat qalanê newe yê. Ferzo ke ney qalî gere holîra bêro wedarnayiş. Merdimî qabê ney qalan nê, gere ê qabê merdiman bibê. Ney ra ma vanê Welatê Demokratîk.” WAXTÊ ÇEPGIRINAN O “Paradîgmayê MHP û CHP’î netewperstey, laîkey û faşîsteya nawnetewey o. A AKP zî, îslamîyeta netewperestey o. Nîna bi çîyanê xo ardo meydan ke Tirkîyayî kerdê çi halî. Verê înan gere merdimî têkoşîna dewleta netew û dewelt demokratîk esas bêro girotiş. Eslê xo de demokratê dewletî zî nêbeno. Demokrasî qabê şaran o. Ma Çîn vinenê, no gam qapîtalîsteya Amerîkayî wey kena. Çepijî vinî kerdî. Semedê nînan sero gere nîqaşî bêrêkerdiş. Bi mîlyonan merdimî bê kar ê. Bê karey hedê xo ê penîyan de yo. Haw rewşa karkeranê TEKEL’î meydan de yo. Ê tekoşîna şarî danê ê xo tenê nê. Ez qabê çepan vani. Ê mecbûr nîyê ke BDP’î mîyan de bivinderê. Ema têkoşîn bivate, ney ra tepeya ferz o. Ez rayna vani, BDP partîya Tirkîyayî ya. Qabê Tirkîyebîyişî no çî ferz û zaf muhîm o. Gere xebatanê xo berz bikerê.” KOPLO VENG VEJYA “Qoplo qabê hîrê çîyan bi. A yewin; bi teslîmkedişê mi ra tasfîyeyê PKK û ze 1920 de waştî ke kurdanê başûrî bi hawayê girêdayê xo û binê qontrola înan de kurdan ava bikerê yo. Tikey bo zî no çî kerdîy. A diyin zî; Kibris dabîy Yûnanistanî. A hîrêyin zî; Qabê dewleta Ermenî, soz amebidayiş. Dê nînan bidaynê qebûlkerdiş. Ema yew zî nêbi. Ez tîyara şikyeni mizgîn bidî şarê xo. 12 serranê qoployî de, qoplo veng vejya. No bi halê de net vejyayo meydan. No bi vindertişê mi ê tîya de bi serb û bi çalakîyanê şarê kurd bi. Ez şikyeni vajî ke ma qomplo vet vengey. Ez ney ra pey de zî bi ney hawayî dewam bikî. Şarê ma bi halê de qiwetin şerî ra vejyayo.” AKP KENO KE BIVISYO “Tecîha AKP a ke qabê waxta ke verê ma de yo, zaf muhîm o. Ya gere vajo ez domokrasîya raştin wazeni û kurd, tirk, elewî, laz, çerkez û zewnbîyan heme dê bigo tewreyê mîyan, ya zî odo kişta CHP û MHP de bibo înkarkerdox û nijatperest û îmha û înkarî de israr biko. No zî dê bibo semedê vinîkerdişê Tirkîyayî. Ez nînan ze tespît vani. Çelîk vatibi: “Ya ma no abîyayişî hetanê peynî berê, ya zî odo ma biqedyê.” No vatiş zaf muhîm o. Famkerdişê Birêz Erdoganî zî zaf muhîmo.” MORAL WA BERZ BO Ocalanî qalanê xo wina peynî ard: “Ez selamanê xo eşraweni şarê Mûşî ra. Kof (Bûlanik) de di ambaznanê ma cuyê xo vinî kerd, ez înan bi hurmet ani xo vîr.“Zîndanî de nameyanê ke yenê estêy. Mîdyatî ra, Bîtlîsî ra namey amey. Gebze ra zî nameyî amey. Ez heme ambazan ra silamanê xo eşraweni. Ez hereketa demokratîk a cenîyan zaf baldar vînen. Di xebatanê înan de serkewtiş wazen. Qabê 8’ê adarî ez o mesaj bidî. Ez ambazanê cenîyan zî selam keni. Amed, Wan, Êlîh, Sêrt, Antalya, Aydin, Îzmîr, Mersîn, Akdenîz ra selamanê xo eşraweni.” STENBOL - ANF