|  Partîya BDP’î qabê xebatanê xo daha weş bikero û şarê xo ra daha zêd xebat bikero ra, lez da xebatanê xo, Amedî de 28 şibati de, qezayan de zî 5 û 15 mîyan de plana kongreyanê xo viraşt. Serekê BDP’î ê bajarî M. Alî Aydin, ard ziwan ke, verê tasfîyeyî qabê ke şarê xo bipawê û sîyaseta înan daha weş bikerê ra, xebatanê xo qabê her tim xurt bikerê ra xebityenê.
Pey operasyonanê girotişanê endamanê BDP de, BDP kongra xo ya 1’in awarte viraşt pey ra, na gam zî, planê kongreyanê bajar û qezayan keno. Gora planî kongra Amedî 28’ê şibatî de qezay zî 5 û 15 ê şibatî mîyan de, dê bêrê darfînayiş. Qabê ney xebatî dayê dest pêykerdiş. Qezayan de, komîsyonî amey viraştiş. Qabê nabzê şari bigo ra, kombîyayişanêy şarîy virazeno. Kongra sifteyin Çinar de dê bibo. ‘OPERASYONÎY ÎBRET Ê’
Serekê BDP’a Amedî M. Alî Aydin ard ziwan, her tim verê BDP’î operasyonî virazyenê. Dema ke ma yenê kelepçekerdişî ra ma ravêrenê. Qabê ney zî, gere ma vejyayişê dê zaf weş bikerê ke, bi sîyaseta xo ser bikûrê.
Û wina vat, “Qabê partîya ma her tim zext û zordarey yenê kerdiş, ema nafîleyo. Ney ra, gere polîtîkayanê AKP’î ê hemeyinan, ma pûç bivejê. Operasyonî bê hukûk ê ra ze wesîkayê dîrokî tim û tim ma çiman vero de yo. îradeya şarî kelepçekerdiş çîyê weş nîyo. Ma bi biryarê ke polîtîkayanê AKP hemeyinan veng bivejê. Qabê ney zî destanê BDP ra çiçî bêro dê bêrokerdiş.
KOMÎSYONÎ XEBAT KENÊ
Aydinî ard ziwan ke, komîsyonan dest bi xebatnê xo kerd o. Şarê kurd pey girotişan daha zêd wayirê partîya xo vejyayo.
Bi şarî ra kombîyayişan genê û fikr û ramanê înan sero xebatî yenê hadrekerdiş û rayîra benê.
Kişta bînî de zî, fikr û ramana roşnîvîran, sazîyan, hunermendan, zanatkaran û zanyaran zî genê û bi ney hawayî xebatî domyenê. DÎROKA KONGREYAN
28 şibat kongra Amedî. 5 şibat Çinar. 6 şibat Kocakoy. 7 şibat Lîce, Kûlp û Hazro.
8 şibat Egil, Hanî. 9 şibat Sûr û Pîran. 10 şibat Kayapinar Erxenî. 11 şibat Baglar, Bismil. 12 şibat Yenîsehîr. 13 şibat Çermîk, Şenguş û Sîlîfa. AMED - DÎHA |
No comments:
Post a Comment