|
Fermandarê Biryargeha Navendî ya HPG'ê Nûrettîn Sofî nîqaşên ji bo çekdanînê, weke hewldaneke niyeta xerab nirxand.
Sofî bi bîr xist ku sedemên çek-hilgirtinê ji holê ra nebûne û pirsa 'di rewşeke wiha de jî, wê çima çek bên danîn', kir?
Nûrettîn Sofî ji ajansa nûçeyan ANF'ê re axivî û der barê rewşa gerîla û nîqaşên ji bo çekdanînê de, peyamên girîng dan.
Sofî bal kişand ser nîqaşên derbarê gerîlayan de û got, sedema evqas nirxandin û nîqaşên şaş, tê wê wateyê ku sedema hebûna gerîla rast nehatiye fêmkirin.
Fermandarê HPG'ê Nûrettîn Sofî bi bîr xist ku dema wan çek hilgirtine de, hebûn û tinebûna gelê kurd dihat nîqaşkirin û got: "Tevgera azadiyê, li hemberî sîstema tinekirin û înkarê ya li dijî gelê kurd, çek hilgirtine."
Sofî terora girtinê, konsepta tesfiyekirinê û pêkanînên li hemberî Rêberê Gelê Kurd Abdullah Ocalan, weke mînak nîşan dan û anî ziman ku şertên rahiştina sîlehan hê, ji holê ranebûne.
Nûrretîn Sofî piştî van mînakan, nîqaşên ji bo çekdanînê, weke encama niyeteke xerab nirxandin û got, "heta sedema çekhilgirtinê ji holê ranebe û mafên kurdan misoger nebin, gerîla wê bi rola xwe têbikoşe."
No comments:
Post a Comment