Hejmara kesên hatin binçavkirin derket 80'yî

24/12/2009

AMED - Di operasyona li dijî rêveber û Şaredarên Partiya Aştî û Demokrasiyê (BDP) ya ji aliyê Dozgeriya Komarê ya Amedê ve li 8 bajaran pêk hat, ligel Şaredarê Êlihê Necdet Atalay, hêjmara kesên hatin binçavkirin derket 80'ê kesî. Ekîbên TEM'ê bi biryara Dozgeriya Komarê ya Peyvirdariya Taybet a Amedê, li dijî Partiya Aştî û Demokrasiyê (BDP), li Amed, Mêrdîn, Wan, Êlih, Şirnex, Riha, Sêrt û Dêrsimê serdegirtina hemweşt pêk hat. Di serdegirtinan de li gel Şaredarê Êlihê Nejdet Atalay derket 80'ê kesî. Kesên hatin binçavkirin wiha ne: Parlementerê DEP'ê yê berê û Hevserokê Kongreya Civaka Demokratîk (KCD) Hatîp Dîcle, Şaredarê Sûrê Abdullah Demîrbaş, Şaredarê Peylase Zulkuf Karatekîn, Wekîlê Şaredarê Bajarê Mezin ê Amedê Alî Şîmşek, Şaredarê Çinarê Ahmet Cengîz, Serokê Rêxistina DTP'a Amedê yê berê Firat Anli, Serokê Şaxa ÎHD'ê ya Amedê Muharrem Erbey, Endamê Meclîsa Peyasê Bedrîye Aydin, Midûrê Giştî yê DÎSKî Yaşar Sari, Sakine Karyen, Ramazan Dede, Şaredarê Pîranê yê berê Abdullah Akengîn, Şaredarê Farqînê yê berê Fîkret Kaya, Serokê Rêxistina DTP'a Sûrê ya hate girtin Omer Guven, Adîl Erkek, Prz. Servet Ozen, Şaredarê Sêrtê Selîm Sadak, Şaredarê Êlîhê Nejdet Atalay, Şaredarê Cizîrê Aydin Budak, Şaredarê Qoserê Ferhan Turk, Şaredarê Êlihê yê berê Huseyin Kalkan, Şaredara Wêranşarê Leyla Guven, Şaredarê Wêranşarê yê berê Emrullah Cîn, Şaredarê Pirsûsê Ethem Şahîn, Mehmet Beşalti, Muslum Caymaz, Mehmet Çaglayan, Îbrahîm Halîl Gov, Abdulrezak îpek, Serokê Şaxa MEYADER'ê Ferzende Abî, Serokê Komeleya Hemwelatiyê Azad a Xaçortê Tefîk Say, Hesapgirê Rêxistina DTP'ê ya Wanê yê berê Siddik Gul, Meclîsa Jinê ya BDP'a Wanê Yildiz Tekîn, Kerem Çagli, Ahmet Makas, Sabrîye Duman, Ramazan Ozlu, Selîm Çay, Cafer Koçak, Resul Edemen, Zîhnî Karakaya, Rêveberê DTP'ê ya Navenda Navçeyî ya Êlihê yê berê Aydin Kiliç, Rêveberê DTP'a hate girtin ê Êlihê Îlyas Saglam û Veysî Gulseren, xebatkara meclîsa jinê Gulîzar Kal, Rêveberê Şaxa GOÇ-DER'ê ya Elihê Selamet Akyuz, Nesrî Kiliç, Rifat Başalak, Endamê Meclîsa Êlihê Şîrîn Bagli. Hat zanîn ku dê ji 12 kesên li Wanê hatin binçavkirin Ahmet Makas bînin Amedê û 11 kes li Midûriyeta Polîsan a Wanê têne girtin. Parêzerên boroyê dê ji bo biryara binçavkirinê îtîraz bikin. Hate hînbûn ku dozger biryara ku 24 satean nikaribin biparêzeran re hevdîtin çêke girtiye. © Azadiya welat