Koordînasyona PAJK'ê di 4. salvegera wefata wê de, bi daxuyaniyekê endama meclîsa PKK, HPG û YAJA Starê Viyan Soran bi bîr anî.
Viyan Soran ji bo şermezarkirina bêbextiya 15'ê Sibatê û tecrîdkirina Rêberê Gelê Kurd Abdullah Ocalan bedena xwe dabû ber agir.
Koordînasyona PAJKê di daxuyaniya xwe de xwest çalakiya Viyan Soran di 11. salvegera bêbextiya 15ê Sibatê de baştir were fêmkirin.
PAJKê çalakiya Viyan Soran weke banga herî bi bandor a têkoşîna topyekûn bi nav kir û got "Çalakiya Hevala Viyan banga ji bo jiyana azad e."
PAJKê dilsoziya xwe ya bi bîranîna Viyan Soran re anî ziman û daxuyaniya xwe weha bi dawî kir:
"Gelê herî kevnar ê erdên Mezopotamyayê, di şexsê Rêber Apo de ev cara pêşî ye ku ev qas nêzî azadiyê dibe. Em bi biryar in ku bi ruh, bawerî, îrade û hêviya hevala Viyan bigêhêjin azadiyê."
No comments:
Post a Comment