Ohal ame dewa Sinda

21/01/2010

Qezaya Amedî Kulp nezdî dewa Hamzalî de waxta operasyonan çawişê ûzman amebi kiştiş ra leşkerey eşto dewa Sindî sero û gora ke yeno vatiş leşkeran dewijîy rojê meydana dewî de ameyê vindarnayiş. Di sêgoşeya Sasona Êlîhî, Kulpa Amedî û Silîfan de operasyona qabê PKK ameyo kerdiş de uzman çawişê cendermeyan ra Serkan Îpek cuyê xo vînî kerdbi. Leşkeran û cerdewanan dormeyê dewa Sinda, ke nezdî dewa Hemzelî yo, û cerdewaney (koricîtey) qebûl nêkerdo dorpeç kerdîy. EZÎYET DEWIJAN KERDÊ Dewijanê ke nêwaştî namey înan eşkera bibo, vatî, pey roja operasyonî cerdewan û leşkerî amey dormeyê dewa ma girotî. Hetanê şand şîyiş û amayişî qedexe (yasax) kerdî. Kênek, cenî û merdê û ciwananê ma heme sibara hetanê şand serd û seqema zimistanî de meydana dewî de day vindarnayiş. No zî bes nêbi, heqaretanê zaf gird bi ma kerdîy. Dinya alem zano ke kamî no qewimîyayiş kerdo. Rayna zî, vanê HPG qewimîyayiş kerd pey ra ameyo dewa şima. Û ney kerdî bahane û bi ma ezîyet kerdîy. Çira kî ma cerdewan nîyê ra, ney ezîyetî bi serrano ke domnenêy. ‘AGAHÎ ZÛR A’ Keyayê/muxtarê dewa Hamzalî Vasif Taş zî vano, ez zî bi cerdewanan û leşkeran ra ameya hetanê dewa Sinda, leşkeran vat, “8-9 kesîy ke ‘teror’ ê qewimîyayiş kerd pey ra verê xo dayê dewa Sinday û remayê. Heqaretê bi kesî nîyameyo kerdiş. Kes tebera vera nêdayeyo. Ney kesanê vanê zûra kenêy. Dewî de tenî 3 kêyî ameyê cigeyrayiş. Ez nêzani kêyanê bînî çira nîyameyê cigeyrayiş? Qumutan mi ra waş ke, ez dewijan ra vajî ‘terorîstanê’ ke kêyan de yê teslîmê ma bikerê.” CERDEVANAN ÎFADE DA Merdişê Serkan Îpek û birîndarbîyişê ûzmanê na, gora ke yeno vatiş cerdevanan kerdo ra komareya dozgereya Kulpî cipersiş da dest peykerdiş. Semedê qewimîyayişî sero 3 cerdewanî bi ‘sebebîyeta ke bîyê semedê kiştişî ra’ îfade day. Îfade qerakola Hamzalî de waxto ke dozgerê leşkerey û rayberdoxanê înan hadrebî, ame girotiş. Kovananê cerdewanan û barîstîka înan yeno kerdiş domyeno. AMED - ANF