|
DTPya hate girtin, wê serî li dadgeha mafê mirovan a Ewrupayê bide.
Serlêdana li ser navê DTPê îro tê kirin.
Parlementerê BDPê yê Şirnexê Hasîp Kaplan îro daxwaznameya DTPê dide dadgeha mafê mirovan a Ewrupayê.
Serokê komisyona karên huquqî yê BDPê Hasîp Kaplan bi nûnerên dadgehê re jî hevdîtinekê pêk tîne.
Kaplan piştî hevdîtinê saet 12:00an jî li navenda giştî ya çapemeniyê ya parlemana Ewrupayê civîna çapemeniyê li dar dixe û wê agahiyan bide raya giştî.
Ji bilî doza girtina DTPê, 37 kesên ku Ahmet Turk, Aysel Tugluk û Leyla Zana jî di nav de hene, û siyaset li wan hat qedexekirin, wê serî li dadgeha mafê mirovan a Ewrupayê bidin.
Dadgeha Mafê Mirovan a Ewrupayê berê jî, ji ber girtina partiyên Kurd HEP, DEP û OZDEP ê, Tirkiye neheq dîtibû û bi dayina tezmînatê mehkûm kiribû.
No comments:
Post a Comment