Modela Îsraîl û ereban...

30/01/2010

Serekê Kurdan Abdullah Ocalanî bi pawitoxanê de vînayiş pek ard. Ocalanî ard ziwan ke darbeya ‘Balyoz’ 2003 de ameyo kerdiş. Mademkî AKP zanayê plana darbeyî esto ra çira ard ney demî. Qabê dezga bazarî bi ca bibo medn no gamî. Kişta bînî de zî remnayişê qijanê Kurdîstanî ney rojan û verî zî rojev de bi. Nînan pey de çîyê esto gere no bivejyo meydan ke kam keno? Ney çîyanê qilêrin ano kurdan sero. AKP bi operasyonanê ke sîyasetmedaranê kurdan sero keno de, keno ke xo bipawo. Keno ke verê şarê demokratîk bigo. WA BDP XO NÊDO GOROTIŞ “BDP pey kongra xo a 1 şibatî de gere lez bido xebatanê xo. No çî fez o. Beno ke dormeyê xo de kesanê xerîban zî biko xo mîyan. No xozayî yo. Zaf partî amey girotiş. Ez hişyarey keni; rayna xetayanê ke qabê partî bêro girotiş mekê. Vanê fekverkê PKK’î partî keno. Felan û bêvan û partîyî genê. PKK hêzê de bi çek a verê fermey de rayxistişê yo. PKK vano ez meseleyanê xo bi sîlahî dani viraştiş. BDP zî meclîsî de gere bi sîyasetî bido viraştiş. Gere no cîyayiş bêro vînayiş. BDP fekverkê PKK nîyo. PKK şikyeno fekbereya xo biko…” “Eg bêro rojev PKK û Tirkîya biwazê bêrê werê se û biwazê ke BDP bikûro mîyan se, ey demî de beno ke bikûrê mîyan û fekberey bikê. BDP tenê partîya kurdan nîya, a hemeyê Tirkîyayî ya. Wa partîya newe ze MHP îdeolojîya xo ze netew-dewletî meko. Dînê MHP’î nijantperstey o. Rayxistişeya kurdan ze înan nîyo…” BÊ DEWLET ŞARBÎYIŞ “Ney mijarî de, kurdîy û tirkîy cîyayê. Tirkîy zafêrey di esasê dewletî de xo rayxiştiş kerdêy. A kurdan esasê demokratîkbîyişî de yo. ‘Bêdewletey de şarê demokratîk’ mi verê zî qal kerdibi. Kapîtalîst bê netew-dewlet nêbeno. Verê ney zî mi modernîteya demokratîk vet. Anarşîstî qala dewletî şirove kerdîy. Marks û Lenîn hureynîya dewleta kamîtalîstey de dewleta sosyalîsty ard. Feqet dewleta sosyalîst nebeno. Ma vîna ke, o zî senî xo de qapîtalîstey ard. Rewaş Çînî orte de yo. Kurdan mîyan de zî esasê netewey sero partîyî estêy. Mesela Şerefettîn Elçî. YNK û KDP. Hawo waştişê înan ê federasyonî orte de yo…” HEME KES GERE BIBÊ “Eg bişîkyê partîya Tirkîyayî bivirazê û bêrê pêhet se, seyî 10 ravêrenêy. Partîyanê verî teng mendî û vatî ma heme cayan de kurdan rayxistiş bikerê. No fikrê teng o. Gere tirkanzî bikerê. BDP gere ney çîyî heşêxora berzo. Gere waştişanê xo bi kesanê bînan ê wayirê partîyanê ê ra, weş bidê famkerdiş ke şima pêjûbîra fam bikerê. Zaf rayan şêrê bêrê. Ez ney mijarî de çîyê ke kuno milê mi sero ez o bikî. Çendey verî mi nuşteyê Ahmet Înselî wedn. Vatibi ke gere kurd û tirkî pîya partîyê bivirazê û pîya bixebityê. Ez zî ney wazeni wa bikê. Kurd û tirkî pîya sîyaset bikerê. Gere ney esasî sero BDP şêro hetê bînan û bêro. Grûba ke yeno viraştiş e gere demokrasî weş bîyarê ca. Ze partîyanê bînan mekê. Mesela AKP de Erdogan, CHP de Baykal vezyeno qalan keno. Hîyerarşîya serekey esto. Ger partîya BDP de, no wina nêbo zaf kesî gere bivejyê qalan bikerê. Hîtap zaf muhîmo.” “Vanê girotişî KCK, KCD ra benêy. Ema KCK û KCD cîyayê. Mi verî zî vatibi. KCD heme kurdan rayxistiş keno. Rayxistişê de demokratîk o. Zaf rayîr û rêbazê ney estê. Ferzo ke kurdîy heme bi civakî demokrat bê. KCD zî qabê ney xeban gere keno. spor, huner, ziwan, çand û zewbînî heme rayîr ê. Kooperatîfeya dewan û bajaran mi vatibi ney çîyî zî kunê ey rayîrî. Sîstema demokratîkey no yo. Çanda demokratîkbîyişî zaf muhîm o. Ney çîyî KCD şikyeno bi rayîra bero. No çî, rayîra bêdewletbîyişî de zaf muhîm o…” ABÎYAYIŞ TASFÎYEYO “Ez mînakê bidî se, FKO esto. Îsraîlî mîyan de bi mîlyonan erebî estê û cuyenê. Ney erebî ûca de bi rayxistiş ê. Parlemento ya Îsraîlî û zaf partîyî û zaf welîlî estê. Heme bin banê meclîsî de kar kenê. Temsîlîyeta ereban zî esto. Erebî FKO de bi rayxistiş ê. Zafêreya girotoxan ra vanê KVK, KCK zafêreya înan tebera xo bi rayxitiş kenê. Zafêreya înan zî bi sîlah kar kenê. KCD zî metrepolan de xo bi rayxistiş keno. Sivîlî tede estê. Şar tede esto. KCD ze FKO o yo. KCK’î ra ferqê ey xoser o, û xo rayîra beno…” “Davûtoglû tebera vano problemî sifir ê. Bi ney zî projeya ma a Konfederalîzma Demokratîk a Rojhilatamîyanin keno ke sekte pirodo. Bi ney zî verê çaresereyî geno. Wazenêy ke ma di modernîteya kapîtalîstey de veradê. No polîtîka AKP yo. Abîyayiş felan çîno. Zatî na gam nêvanê ‘abîyayişa demokratîk’, vanê ‘Projeya millî’. Erdoxan Rojhilatamîyanin vince vince geyreno. Davûtoglû vano sifir problem, no nexşe rayîra mi de bi. No mesele mi nexşe rayîra xo de nixnabi. Mi ra girotê. Ney zanê ra yenê mi ser. Biroşûrê AKP ê abîyayişî de vano ‘Apo ra ef çîno’ felan û bêvan. Faşîstaney nezdî benêy. Ez qabê xo çîyê înan ra nêwazeni. Ma vat ma şaran ze bira bidê cuyayiş. Ez tîya qabê şarê xo cuyeni. Obmazanêy ma zî wina kerd û kenêy. AKP zî ze MHP kokê kurdan bîyaro û biheleyno…” ‘AKP; QÛALÎSYON…’ “Hawt serrî yo ke AKP şarî bi projeyanê xo ê ke qîmê şarî nêkenê xapînenê. Hem kurdan û hezî Ewropayî dano kaykerdiş. Wa kurdî fam bikê ke AKP’î ra ney ra pey xêr nîno. CHP bi ney halê xo nêşno şêro. Sarigul beno ke alternatîf bo. AKP wina şêro se raştî de îttîfaka-koalîsyonî belkî bivirazo. 1977 de çîyê wina bi. MHP eg 10 bivîno se beno ke çîyê wina bino. Yanê AKP-MHP belkî bêrê pêhet. Ez bi waxto ke vani Konfederalîzma Demokratîk a Rojhilatamîyanin se, gere kurdêy heme cayan yew bonî binde bêrê pêhet. Bi paltformê de hemeyî xo bivînê. Ze ereban beno ke bibo.” WA FELSEFÎK BIFIRYÊ “Fikrê mi a cenîyan sero çîyê cîya yo. Ez vani ke, eg cenî û mêrde mîyan de pêgirotiş hîyeraraşîyo û beno hetanê patrîarkaley. Yanê beno çanda zordarey û tecawizî. Înan mîyan de encax vîrê ke, felsefî bibo se, esasê heme çî vinenêy. Ez vani ke, rindey bi cenîyê ra felsefe nirxnayiş o. Bê ney, bi cenîyêrabîyiş, qabê mi nêbeno. Bê ney fikrê ke înan mîyan de, rayîra nêşino û hetanê cîyabîyişî şino.” BAZARA DARBEYÎ KENÊY “Tikey vanê senaryoya darbeyî kenê. Nêy bezirganeya darbeyî kenê. 2003 de no plan ameyo kerdiş se, çira AKP hetanê ney demî pawit? Pazarey esto ke ardo ney demî. Qabê bisilmaney ez ney vani, bisilmaneya no gamî a raştîn nîyo. Şarî mîyan de bisilmaney senî yo, kê şikyeno binê banê bisilmaneya modern de nîqaşan biko.” HEYETA CPT ŞEŞ KESÎ BÎY “Heyeta CTP’î ame hetê mi. Şeş kesî bîy. Bi înan ra mi muhîmeya dariznayişê cayê mi û doza Mahkemeya Heqanê Merdimanê Ewropayî de qalîy kerd. Etya de bi ombazanê xo ra saetê vînayiş pêk ard. Zîndananê bînan ra zaf nameyî mira yenê. Hintayê 30 hebîy nêday mi.Tekîrdag, Kiriklar û ê bînan ra. Edene Karataş ra ê koxûşa cenîyan zî amey,tikey ci nêday. Tipa D ya Amedî ra, Sêrtî ra zî nameyî amey. Mîdyat û Bakirkoy ra zî nameyê cenîyan girot. Ez ambazan ra ney vajî. Zîndanî de tenê vindertiş nîno manaya ke o kes bêbandor beno. Kesê tenê zî bimano şikyeno xo bipawo û xo avera bero. Ez ney esasî de wazeni ke ambazî xo avera bikê. Îzmîrde xebata hevparî muhîm o. Bi heme hêzanra yewbîyayiş muhîm o. Eg ney bivirazê se zaf çîyan dê bikê û biserkûrê. Heme ambazan silaf keni. Têkoşîna înan de serkewtişan wazeni.” STENBOL - ANF