Rola DTP’ê diyarker bû

16/12/2009

Serokê Partiya Sosyalîstên Ewropa PES’ê Nyrup Rasmussen girtina DTP’ê bi tundî rexne kir û destnîşan kir ku biryar dê li pêşiya Tirkiyeyê ya endametiya Yekîtiya Ewropayê, bibe astenga herî mezin. Serokê PES’ê Nyrup Rasmussen, bi daxuyaniyeke nivîskî destnîşan kir ku DTP di çareseriya pirsgirêka kurd de xwedî roleke bingehîn bû û bi dilsozî kar dikir. Rasmussen biryara Dadgeha Destûra Bingehîn wek metirsîneke mezin nirxand û got: “Girtina partiyeke siyasî ku ji bo çareseriyê kar dikir, tê wateya ne- çareseriya pirsgirêka kurd. Biryara girtina DTP’ê, nîşana paşketina demokrasiya li Tirkiyeyê ye. Rasmussen da zanîn ku PES’ê endametiya Tirkiyeyê ya Yekîtiya Ewropayê destek dikir û got: “Biryarê em şaş û metal hiştin. Biryara girtina DTP’ê wê bandoreke neyînî li me bike û pêwist e were zanîn ku ev biryar dê pêşî li endametiya Tirkiyeyê bibe astengiya herî mezin.” Rasmusen da zanîn ku demokrasî û mafên hindikahiyan bi riyên diyalogê û bi rêbazên derî eskerî û zordestî tên parastin û wiha pê de çû: “Lê Tirkiyeyê her demsal operasyonên eskerî û êrîşkariya polîsan dibe. DTP, rola kilîda çareseriyê bû, eniya hiqûqê jî ev kilîd şikand.” BRUKSEL Biryar biryara zext û gefan e Serokê Koma Çepgir a Parlamena Ewropayê (PE) Lothar Bisky jî girtina DTP’ê bi tundî rexne kir û mesaja piştgiriya kurdan da. Di mesajê de vegot ku di têkoşîna kurdan de, çareserî, careke din bû hilm û firiya çû. Lothar Bisky, destnîşan kir ku bi girtina DTP’ê, Tirkiyeyê meşruiyeta bi eniya kurd re ji holê rakir. Bîsky wiha pê de çû: “Biryar biryara destpêka ji nû ve zext û zorê ye. Biryara girtina DTP’ê, pêkanîna karên keyfî û zordestiya li ser hebûna gelê kurd e û dûrkirina Tikiyeyê ya ji endametiya yekîtiya Ewropayê ye. Lothar Bisky herî dawî wiha got: “Em dubare dikin, ne şer û zordestî, diyalog û dilsozî dikare bibe bersiva paşerojan û bibe pêkhatina hêviyan. © Azadiya Welat