Cerdevanan bi guleyan êrîş kirin

03/12/2009

Di çalakiya meşê ya li navçeya Elkê pêk hat de kesên gule li ser çalakgeran reşandin cerdevanên bi navê R.Ç., M.Ç. û T.N. in. Li navçeya Elkê ya Şirnexê, bi sedan ciwan bi armanca şermezarkirina rewşa li girtigehê ya Rêberê PKK'ê Abdullah Ocalan li ser kolana Cumhuriyetê agir pêxistin û rê li trafîkê girtin. Polîsan bi bombeyên gazê û panzeran mudexale kir. Li aliyê din cerdevanan jî gule li ciwanan reşandin û êrîşî rojnamevanên xwestin dîmenen bikişînin kirin. Hate ragihandin ku cerdevanên gule reşandine ser çalakgeran, kesên bi navê R.Ç., M.Ç. û T.N. ne. Lê nehate zanîn bê der barê van cerdevanan de tu lêpirsîn hate kirin an na. ŞIRNEX Azadiya Welat