‘DTP şikyena ageyro meclîsî’

19/12/2009

Pawitoxanê Serekê Kurdan Abdûllah Ocalanî vînayişa xo a hefteyîn ardî ca. Ocalan vat, “Ez derheqê îstîfayanê Wekîlan de çîyê cûda fikiryen. Çimkî hewna çîyê de qabê îstîfa bikerê ra rew o. Çareserî sîyaseta demokratîkbîyişî de yo.” Pawitoxa vat Ocalanî qala hucreya xo kerd û vatî ke Ocalanî vato, “Oda mi de pencere akerdî. Vavînayişê/hawalandirma mi zî, saetê ra vetî 2 saetan. Her siba saetê, nîmrojî de zî saetê. Vizêrî ma bi 4 ombazanê bînan ra amey pêhet.” Qabê îstîfaya DTP’ijan zî vat, “ez çîyê na fikiryeni. Lazimo ke meclîsî de bimanê. Sîyaseta têkoşîna demokrasî lazim o. Rewşa ewro ze 1975-76‘î yo.” “ŞIKYENÊ AGEYRÊ MECLÎSΔ Ocalanî dîyar kerd, “Çareserey, têkoşîna demokratîk de yo. Şikyenê nadertişê şarî zî bigê, ema hinî rûra nê, bi raşta raşt şarî ra bipersê û biryara xo bidê. Amed de şikyenê bi beşdarbîyişê hezaran kesan kombîyayişan bivirazê. Daha pey ra zî, şikyenê bajar bi bajar bikerê. Şikyenê apeya ageyrê meclîsî. Ez vani qay hewna çîyanê ke qabê îstîfa bikerê nêvejyayê. Şikyenê ageyrê û sîyaseta demokratîk bikerê. Ûfûk Aras teklîfî şikyeno rayna binirxno. Wekîlî meclîsî gere weş bikarnê. Verê qinalanê demokrasîyî akerê. Bi ney hawayî verê xebatanê kurdan zî gere nêxetimnê. Meclîsî de şikyenê heme çîyan binirxnê/degerlerdîrme. Qabê ke ney bikerê vanê partiya newe esto. Dadgeh şikyeno ay zî bigo. Ez ney ra çîyê nevani. Encax qabê çareyanê demokratîk na çare nîyo. Lazimo ke, çîyanê newe bibê. Sîyaseta demokratîk ferz o, bi ney ancax aştî bêro. Tirkîya de zatî hukûk çîno. Lazimo ke bi qinala demokratîk têkoşîn bêrokerdiş.” “BAR KENÊ MI MIL” “Ez vengê Birêz Serokwezîrî dani. Di nexşerayîra mi de qabê verê şîdeta mevcûd bigê, rayîrî estê. Heme gureyî mi mil de yê. Bi ney hawayî hikûmat zî barê xo keno mi mil. No zî weşeya mi xirabe keno. Ma nêwazenê şer bivejyo ma wazenê aştî bêro. Projeya aştîya xo bivejê orte, qabê ke ez rolê xo eşkera bikerî, proja şima lazimo. Heme çîya mekê mi milan.” “CHP û MHP zatî nêwazenê çareserî bibo. Hawt serrî yo ke çaresereya demokratîk nêbî. Ez verê çîyanê demokratîk zî nîya. AKP, CHP û MHP’î mîyan de kesanê ke nêwazenê aştî bivirazyo estê, hetê nînan ey ke wazenê bibo zî estê. Eg wazenê se, wa xêza demokratîkbîyişî faal bikerê. Û serokvezîr şikyeno projeyî bikero jîyayişî.” “TIRKÎYA DE DI HÊZÎ ESTÊ” “Tirkîya de no gam di hêzî estê. Nînan ra yew îttîhat terakkî, ke xêzê dê wişk û faşîşt o. Ê bînî zî, tikeyê înan AKP û dormeyê ey de kesanê demokrat ê. Ca bi ca, leşkerey zî tede ca geno, ema, nermî yê. Eslê xo de no gam nêy hêzî erîşê pêzêbînî kenê. Her roj generalî û sûbayî yenê tepiştiş. Sedemê ney ra, her roj ney hêzî danê pêzêbînî ro.” “SERWEŞEY WAZENA” “Mûş de qewimîyayişan de di kesî jîyana xo vinî kerdî. No esnafê rêzî ra nîyo. Gurekarê teybet ê dewletî yo. Ze ney Bîtlîs, Sêrt, û zaf cayan de estê. Nêy cayan de bi rayxistiş ê. Dormeyê nînan de zaf kesî estê. Ez ser nuşteyê rojnameyan ra ney vîneni.” “Amedî de zî ze ney kesî zaf kesî sereyê quncukan de bi hezaran estê. Ney hemeyî roja qetlîyamî pawenê. Pawenê ke kam rojî qetlîyam bibo ke înan ra kar bivejyo. Ney heme qabê ke kurdan qetil bikerê pawenê. Verê zî, Serêkanî/Ceylanpinar, Vêranşehr, Riha û Amedî de zaf kesî qetil kerdî. Ney zî her waxtî de şikyenê 5-10 kesî bikişê. Verê nînan şar gere xo bipawo. Eg şar nêşeno xo bipawo se, merdişê wina ez weş nêvîneni. Ez malbatanê Kopî/Bûlanikî ra serweşeyanê xo eşraweni. Ez Amedî de malbata Aydin Erdemî ra zî serweşey wazeni. Silaf û rêzanê xo hemeyan ra eşraweni.” “CEZA HUCREYÎ TEBLÎX BI” “Ez tîya dewletî tehdît nêkeni. Ema ê vanê ti kenê. Yeno vatiş ke mi înan ra vato ‘ordîya alçaxan’. Dadgerê/hakîmê înfazî ceza mi birnayo. Heqê min ê îtîrazî esto. Ez o îtîraza xo biberî dadgeha Ceza Giranî. Bi ney, bîy 12 cezayê hucreyî danê mi. Tabî ney çîyê raş nîyê. Ez kesî tehdît nêkeni, tenî tespît keni. Çîyê ke ez vani sîyaseta ke binê xêza heşê demokratîkbîyişî de mendo ra yo. Çîyê min ê ke şexsan ra vajî çîno. Kesanê ke meclîsî de nêwazenê na problem hal bibo ra yo. Mi name rişt dadgerê înfazî ra û mi vat. Heyeta ke ame hetê mi ra zî mi vat. Kesanê ke bawerê mi kenê ra şarê mi esto, dostanê mi estê. Mi paştî dayo şarî, ê qiwetê min ê. Ez bawerê qiweta xo beni û pal dani qiwetê xo.” “Ocalanî qiseyanê xo wina qenayo, “Ez selamanê xo eşraweni zîndananê Çewlig, Bêdlîs, Amed û Sêrtî û selamanê xo eşraweni şarê xora.” STENBOL - ANF