KNK: Wa ‘terora dewletî’ peynî bibo

18/12/2009

KNK daxûyaneya bi nuştişî da û ard ziwan ke, Tirkîya verê kurdan de terora dewletî berz keno. Verê ney zî vengda ke, verê ney terora dewletî, wa şarê kurd, şaranê serdest û hêzanê demokratîk zî vengê bertekanê xo berz bikê. Reveberêya Koseya KNK’î daxûyaneya xo de ard ziwan ke, dewleta Tirk di bin nameyê ‘akerdişî’ de infaz û tasvîyeya kurdan daha geş kerd o. Û xo açarna ‘qirkerdişê modernî’. KNK ard ziwan, “AKP mîsyona ‘Osmanîya Newe’ ra bi zîhnîyeta mûhalefetî bîyo jû û mafanê kurdan sero bêperwaz û bi nijatperstey erîşî şarê kurd keno. Û çîyê ra, xo nêdano kiştê.” KNK’î ard ziwan ke grûbanê qetilkarî, ê Amed, Mûş, Çelemêrg, Gever û Cizîr serede hemeyî kişta dewletî ra yenê karardiş û mûhafazakerdişî. KNK daxûyaneya xo de wina vat, “Nûmûneya ney, navçeya Qop/Bûlanik a Mûşî de ame meydan. Kesê de cerdevan/korûcî, di çalkîyanê mîtînga erîşê DTP’î de, bi tifinga xo guleyan dormeyîra reşna/vilakerd. Di ney qewimîyayişî de sivîlî amey qetilkerdiş 7 zî birîndar bî. Şahîdanê qewimîyayişî vanê, “kotraya JÎTEMÎ û polîsan zî gule şarî sero reşnay.” KNK eşkera kerd ke, “Kiştê de qijanê kurdan ke kera eştê polîsan hetanê 27 serran bi ceza kenê. Ema, kişta bînî de zî kes, polîs û tîmanê ke 2 kesa kişenê û 7 kesan birîndar kenê bi elîkopterî şikyenê biremnê û binimnê.” Ma ze KNK’î, rewşa peynî de zî wina ard ziwan, “Ma zîhnîyetî ze zîhnîyeta “yew dewlet, yew şar, yew al/bayraq, yew ziwan” nixnenê û qirkerdişî di bin banê parlementoyî de rayxistiş kenê, vînenê. Ma danêzanayiş û îşaret kenê ke, AKP’î pêvajoyê ya pêkardişanê newe yanê ‘qirkerdişê spe’ zere û tebera dayo dest peykerdiş. Teberî de konsepta ‘Osmanîya Newe’ zerede zî, sîyaseta nijatperestey û faşîştey kerdo pratîk. Seserra 20 de kurdî bîyê ze qurbana hevpar a dinyayî. Seserra 21 de zî, bi peşehgeya Tirkîyayî rayna wazenê ke ney bidomnê heman çîyan kurdan ra ferz vînenê.” ‘MA VENG DANÊ DINYAYÎ’ “Ma ze KNK, vengdanê dinyayî û bi teybet DYA (Dewletanê Yewbîyeyê Amerîka) û YE (Yewiyeya Ewropayî) û sazî dezgeyanê mafê merdiman û demokratîk î, zilma Tirkîyayî a derqanûnî wa bivînê û qirkerdişê kurdan sero, terora dewletî vero bivinderê û şermezar bikerê ra ma hemeyan dawetê ramana aramey/hûzûrî û raşt fikirîyayişî kenê” BRUKSEL - ANF