Qabê kurdan açilim darbeyê yo

13/12/2009

Bi girotişê DTP’î AKP’î medya tirkan hinî kerd ke, adirbirnayişê PKK’î ê 13 Nîsanî de destpeykerdibi ra hetanê ney gamî, provokasyonanê ke hukumetî kerdo ra ze ke vajo qalan mekê. 13 Nîsanî ra hetanê 11 Kanûnî di polîtîkayanê kanûnî de 197 operasyonanî reşayey, 107 erîşanê bi top, 28 ray zî erîşanê hewayî bîyê nînan de 68 gerîlayanê PKK’î cuyê xo vînî kerdî. Bîlançoya kişta leşkereya tirkan de zî giran bi. Kişta bînî de zî bîlançoya vînîkerdişê AKP zî bî. Qabê ke kurdan bêven bikê ra rojnameyanê kurdan girotî. Caza day medya kurdan. Kurdanê ke qabê mafê xo vejyay kuçe û çalakî viraştî eştî zîndanan û zîndanî pir bî. KCK’î 13 Nîsanî de bi yew kişt adirbinayiş îlan kerd. 14 Nîsana 2009 de zî dewletî pêla operasyona viraşt. Rayîrberdoxanî DTP tede bi seyan kesî girotî. Nêy operasyon îze sîstematîk dom kerdî. 15 Tîrmehî de peynî bî ema, KCK hetanî 1 Elûlî adirbirnayiş derg kerd. Bi derkerdişî bî hîrê rayo ke derg kerdî ÇÎYANÊ WEŞ NÊBÎ AKP ney ra îstîfade kerd û sifte vat ‘kurd Açilimî’ apey bi ‘demokratîk açilim’ û apeya zî bi ‘açilim’, serekomar Abdûllah Gul vat ‘çîyanê weş dê bibo’. Derheqê ney çîyan de medya tirkan û kurdan zaf çîv atî. Açilim ame hetanê zereyê meclîsî ema çîyê zî nêbi. Gamanê bi şênberey/somût nîyamey eştiş. Ne pakêta açilimî abi nezî çîyêna. Tam tersê ci çembera kurdan herke şî teng kerdî. Rayîrberdoxanî DTP ra zafêrey Girotî çiman bin. Kurdanê başûrî ra pey perdeyan qalî amey kerdiş. Zaf înfazî ney demî de bî. Qijê kurdan ra yew bi hawanî ame kiştiş. DTP’ijî qetil kerdî eştî rayîran sero. Çalakîyanê şarî kuçeyan de zaf bi. Polîsan kurşînî estî şarî sero Aydin Erdemî qetil kerdî. AÇILIM DA KURDAN RO Bê çalekeya Gerîlayanê PKK’î berdewam kerd ema operasyonî hewna zî zêd bî. Medya tirkan çimanê xo operasyonan vero girot. Merdişî nîyardî ziwan. Heme çalakîyan de medya tirkan hetanê ney demî kuran sûcdar vîna. Raya peynî zî qewimîyayişê Tokat îzî ze kurdî ‘dijminê demokrsî û aştîyê’ day medya. No pêvajo herî zaf kurdan ra werd û da tirkan. Fatûra herî gird kurdan da. Sîyasî û sivîlî de zî no wina bi. Îna merdişanê gerîlayan merdiş nêvîna. Qijanê ke kuçeyan de merdî ze qijanê xo nêvînay. Hesranê dayikanê kurdan nêvînay û nêvatî ê qijanê ma zî bî. Kurdan hintayê gerîlayê xo day herî, rojê Erdogan nêvat bes o û kurdan zî nîyeta xo a aştîra nîyamey war. BÎLANÇO YA 8 AŞMAN 8 aşmo ke bi yewkiştî PKK qabê aştî pêk bêro çalakîyanê xo dabi rawestayiş. Operasyonî nêvindertî. 13 Nîsanî ra hetanê 11 Kanûna 2009’î 197 operasyonî, 107 erîşa topan, 28 erîşê hawanî bî û nînan de 68 gerîla cuyê xo vinî kerdî. © Azadiya Welat