‘Şertî dest nêdanê ke Maxmûrijî bêrê Tirkîya’

22/12/2009

Grûba aştî ke Qandîl û Maxmûrî ra ameybî, geyrayişanê xo ê qabê kombîyayişê şarî, bajaranê kurdan geyrenê. Naray zî kombîyaişê înan Êlîh de bi. Bi hezaran kesî înan pêşwazî kerd. Grûbanê aştî naray Êlîh de bî. Di kombîyayişanê Keyêşaran êy, Mûsa Anter, Edîp Somaz, Ahmet Kaya nû a peynî Mehmet Sîncar de viraştî. Grûb şî çica bi girseyanê bi hezaran kesî amey pêşwazîkerdiş.  Kêyeyêşarî a Mehmet Sîncarî de bi hezaran kesî beşdarê kombîyayişî bî. Winî bî ke şar salon pir kerd ca nêmend. Na semedîr a kombîyayiş teber de ame viraştiş. Grûba aştî ra Mehmet Şerîf Gênçdal, Mûstafa Ayhan, Nûrettîn Tûrgût, Zehra Tûnç û 1999 de grûba aştîya bi vendayişê Serekê Kurdan Abdûllah Ocalanî amebi ra Mehmet Şîrîn Tûnç beşdar bî. Şar alaqeyê dê zaf gird qabê grûbî mojna. Slogananê ze, ‘PKK şar o şar tîyaya’, ‘Oacal Ocalan’, ‘Bê Serok Jîyan nêbeno’, ‘Bijî Ocalan’, ‘Dinyaya bê Ocalanî bi dê sereyê şima de bixirabnê’, ‘Bijî aştî’, ‘Şehît namrin’ qîray. Meydan de posteranê Ocalanî û ala konfederalîzmî akerdî. Jaf cenî waxto ke kesanê grûbî hembêz kerdî hêserê çiman rijnay.  ‘MÎMARÊ AŞTÎ OCALAN O’ Sifte Mehmet Şîrîn Tûnç kombîyayişî de qalî kerdî. Û ard ziwan, “Bi waştişê Serekê Kurdan Abdûllah Ocalanî 1999 û de qandîl û Ewropa ra 2 grûbî amey Tirkîya. Esasê amayişê ma biratey û aştî bi. Ey demî kesanê ke qabê aştî ameybî heme eştî zîndan. Bi bi serran ceza day. Ma ey demî de vat bê aştî rayîra çareserey çîno. Problema kurdan bi şer û gunî hal nêbeno. Di rayîra demokrasî de no çareser beno.  Encax vatişanê ma nîardê ca. 10 serr ravêra rayna bi vengdayişê Serkê Kurdan Abdûllah Ocalanî Qandîl û Maxmûrî ra endamê grûbanê aştî amey. Amayişê grûban dîrokîyo. Şarê Silopî de grûb bi hêz û rûmetê de zaf geş ame pêşwazîkerdiş. Waştişê kurdan çîyê de merdimayey o. Talebê înan gere bigê çiman vero. Mîmar û viraştoxê ney demî û Birêz Ocalan o.”   Pey Tûnçî, fekverkê grûba aştîya newe Mehmet Şerîf Gençdal qisey kerdî û ard ziwan ke kurdan ti waxtî de xo înkar nêkerdê û nêkenê zî. Ferzo ke na mesela hal bibo. Û wina berdewam kerd, “Bi îmha û înkarî na mesla hal nêbeno. Rayîra demokrasî ver çi problemî estî gere hal bibê. Kiştê vanê ma do hal bikerê kişta bînî de zî operasyon operasyonan sero yeno viraştiş, partî yeno girotiş. Merdimî yenê qetilkerdiş û tewqîfkerdiş. Tirkîya bi ney halî nêşeno çaresereyê bîyaro. Teybet, gere mûhatabanê kudan bigê dîqat. Bi înan ra gere maseyî de roşê.” ‘MAXMÛR BI RÛMET O’ Gençdalî ard ziwna ke, şarê kurd wayirteya îradeya xo kenê. Û vat, “Şarê kurd vano Ocalan îradeya ma yo. Azadeya ey azadîya ma yo. Kes nêşeno boya ver de bivindero. Şarê kurd aştîyê de bi rûmet wazeno. Îdîl de Resûl Îlçîn, Amed de Aydin Erdem, Qop de Kemal Agca û Nemcî Oral qetil kerdî ma qabê ke nê qetilî dubare nêkê aştî wazenê. Heme çî qabê jîyayişê azdîyî yo û ma qabê ke jîyayişê de azad têkoşîna xo berdewam bikerê.”  Raya peynî zî endamanê grûba aştî ra Nûrretîn Tûrgû zî wina ard ziwan, “Şarê Maxmûrî pey zulmê dê zaf gird koç ber bi. Waxto ke înan koç kerd, ziwanê înan, çanda înan, estbîyayişê înan heme qedexe bîy. JÎTEM bîy. Ergenekon bîy. Cerdevanî bîy. Dewanê ke ameybî veşnayişî bîy. Qetilanê qiryar/meçhûl bîy. Şarê Maxmûrî qabê jîyayişê de bi rûmet koç kerd. Şarê Maxmûrî ageyrayişê de bêrûmet ê dê qebûl mekerê. Hewna JÎTEM, cerdevanî, Ergenekon û yên bînîy estê. hetanê ke nêy bibê  dê senî ageyrê.” Pey qisekerdişan şar bi     sloganan û çepikan grûb kerd rayîr. ÊLÎH - DÎHA   © Azadiya Welat