‘Tekoşîna azadî gur bikê’

20/12/2009

Pey biryara/qirara Mahkemeya Makezagonî, ke DTP girot ra dim, biryara DTP a meclîsî de mendişî, roşnîvîran ra paştî girot. Roşnîvîrî vistî vîr ke, beno ke Ahmet Turk û Aysel Tûglûk rayna bêrê meclîsî. Semedê ke DTP biryar da ke meclîsî de bimanê ra, gere AKP zî bi lez û bez xebatanê xo ê qanûna partîyanê sîyasî û yên bînan, çimanra bido ravêrayiş ke, esasê demokrasîyî bêro eştiş. Roşnîvîran mîyande biryara meclîsî de mendişê DTP’î, ze esasê demokrasî ya newe, ame namekerdiş û vînayiş. Waştî ke, ney ra pey meclîs xebatnê xo ê demokrasî wa meko tengasey. ‘ÇALAKÎ KEMÎ BENÊ’ Wekîlê kaan ê Partîya Fazîletî Mehmet Bekaroglû ard ziwan û vat, “Cayê tekoşînan esas meclîs o.” Û ard ziwan, “DTP verî çi bo se, rayna zî o yo. Kes nêşikyeno bibedilno.” Û wina berdewam kerd, “Bi girotişê DTP fikr û raman ay nîno bedilnayiş. Di serr û nîm o, sîyaset keno, eynî yo. Hetanê ney gamî sîyaseta senî kerdo se, odo wina berdewam bikero. Parlemontode mendişê înan zaf weş bi. Bi girotişê DTP hikûmat zî, DTP zî, dersê xo weş wend. Ney dersî ra çîyê nêvejyeno, ferzo ke, heme kesî pozîsyona xo bibedilnê. Eg ze verî şêro, nêbeno, Ze tasa kaan û hemama kaan nêbeno. Gere çîyî bibedilyê.” Bekaroglû wina qiseyanê xo qena, “Çalakîyanê kuçeyan bi ney ageyrayişî bedilyeno. Pêvajo/prosesa newe kuno demî. Bi ageyrayişê meclîsî, no gam tetirxaney dê biqedîyo.” MESELE HAL BIKERÊ Prof. Dr. Mîthat Sancar zî ramana xo ard ziwan, “Esasê problema kurd meclîsî bi rayîra demokrasîyî yeno çareserkerdiş.” Sancarî wina berdewam kerd, “Ma vîna ke, mekanîzmayê demokrasîyî eg çînê bê, zaf çîyanê nêweş dê bivejyê. Eg ney ra pey mekanîzmayanê demokrasîyî meclîsî de mekarnê se hal zaf perîşan beno û rayîra Tirkîyayî odo rayîra ke nêşeno açaryo bibo. Bi ageyrayişê DTP’î, AKP bi lezûbez qanûan partîyanê sîyasî gere bîyaro meclîsî û gamanê demokrasî berzo. Kişta bînî de, ferzo ke sazî û dezgeyanê demokrasî ke vanê ma demokrat ê, heme qabê çareserî bibo, lez bidê xebatnê xo. Çimkî na problem mesaleya Tirkîyayî ya. Na mesela bi gam estişanê DTP tenî, nêravêreno. Biryara amayişê meclîsî çîyê de zaf weş o. Na gam gama qabê demokrasîya Tirkîyayî zaf weş bi.” TURK Û TÛGLÛK APEYA Nuştoxê rojnameya Zamanî ra Alî Bûlaç zî vano mumkûno ke Ahmet Turk û Aysel Tuglûk meclîsî de bimanê. Nuştox Bûlûç ard ziwan û vat, “Wekîlêna bivînê se beno ke grûbê ronê. Na gamî de AKP qabê zagonîy bêrê bidilnayişî ger zor bido partiyanê bînan. Bi ney hawayî belkî Turk û Tuglûk meclîsî de bimanê. Na mumkûn a. Tikey zanyaranê dagehî vanê na mumkûn a. Eg tikey bedilnayişî bibê se bena. Qanaata mi ney ra pey wazenê kişta dewletî bo wazenê kişta PKK’î bo bi sîlahan no mesele al nêbeno. Muhaqaq gere aştî bibo. Eksê ney odo gunîya birayan zaf birijyo. Gere DTP xo vejo virênî û sîyaseta aştî weş bikarno û vengê xo berz bikero. Na çî qabê Tirkîyayî zaf weş beno. Bê dîyalogî rayîr çîno. Qabê heme kesan feydayê bêpaye STENBOL - DîHA