Beno ke Başûr de qetilan bivirazê!

16/01/2010

Serekê Kurdan Abdullah Ocalan û girotoxan ra 5 kesîy pîya 12 çileyî ra naşt qabê ke şert û mercanê înan ê zîndanî weş bibê biryara çalakîyî girotê. Hetanê ke şert û mercanê înan weş bibê êdê çalakîya nêvejyayişê vagirotişî dê bidomnê. Ocalan vînayişa xo de, Îrlanda nixnayo. Û vato, “Kurdîstan û Îrlanda mîyan de, çîyanê ze jûbînî est ê. Îralndijî şikyenê ma daha weş fam bikerê.” Serekê Kurdan Abdullah Ocalnî wina donma, “Hetê problemanê min ê bînan, waxto ke boy geni, cayêna dejeno, bêhewney est o. Ez nêşeni rehet rakûrî. Cayê ke ameyo viraştiş bi hostateyê de zaf weş û zanayişî ameyo viraştiş. Xo ze 15 mîtro binê bîrî de, ez hîs keni. Vagirotişî de nêgeyreni. Xorîyê ya va cayê vagirotişî 7 mîtor esto. Qirika mi ra hirikyayiş yeno. Vagirotişî de bi ombazan ra nêşeni bivînî. Hawte de 10 saet heqê ma esto, ema ez şikyeni 1 saetê tenê bivînî. Mufredata wezaretî nînê ca. Hetanê ney demî 4 rayan ma pêvînayo. Raya peynî vînayiş dafînay 50 deqeyan. Qanûn tîya kar nêkeno. Ma vizêrî bi ombazan rewş nixna. Ma biryar girot ke hetanê heqê ma medê ma, nêvejyenê vagirotişî. Ma waxto ke pêvînayiş kerdê, 2 rayîrberdoxî verî ma de, 2 zî pey ma de bî. Ombazanê mi hewna nêmûsyayê tîya. Ez mûsayeya. Heyfê înan o. Bê pawitoxan û malbata mi, kes bimira qalan nêkeno. Şamî danê û tabaxêy veng genê. Jenerator xebityeno tim û tim veng yeno. No mi zaf nerehet keno.” “Maqaleya ke Îl Manîfesto de vejyeno ra Ocalanî wina vat, “Rojnama Îl Manîfesto nuştoxanê înan roşnîvîr ê. Felsefe de mesela yewî ra şîyişê navnetewey esto. Ez mîyanê ney yewiyey û fezayî de pirr a nê. Nûmûne, yewiyeya Îrlanda yî esto ze ey a Kurdîstanî zî esto. Ema şîyişê înan wirdin a navneteweyî zî esto. Yanê çîyanê înan ê ze jûbînî est ê.” CEZA DESTÛR GIROT “Ceza hucreyî ya 20 rojan amebi dayiş destûr girot. Çi çax bîyarê can êzani? Mi waştibi ke wa, 160 rûpelanê ke qabê pawitişa mi û nexşe rayîra mi, bieşrawê AÎHM’î ra. Bersiva ke ame, ê dê nêeşrawê. No raşt nîyo. Ez talîmat nêdani tu kesî. Ez talîmatî zî ratş nêvîneni. Di ney rewşî de nêy çîyan nêşeni bikî zî. Ema ez o fikrê xo bivajî. Tespîtanê ke ez tîya keni talîmat nîyê. Tespîtanê sosyolojîk ê.” AKP TASFÎYE KENO “30 serr o ke oldareya kurdan a îslamîra feyde genê û polîtîka kenê. Vêrî partîya Refahî bi no gam zî AKP yo. Nûman Kurtûlûş zî eynî fikrî de yo. Maskeya CHP û MHP’î qabê kurdan kewto. Wazenê kurdan bi AKP’î kontrol bikerê. No daha zêd talûkeyo. Armanc tasfîye yo.” EZ XO PAŞRA ONCENA “Îrlandijî bi int/înatçîyê, kurdî zî hinî yê. Ema dek û dolabanê ke anê înan sero, yeno resene, ferq nêkenê. Ez nêzani sibat û adarî ra pey çiçî bibê? Şer kenê aştî anê ez nêvani. Se kenê wa biryara xo bixo bidê. Şert û mercanê ke ez tedeyanê, dest nêdano ke ez weş bifikirî. Wa ê biryar bidê. Herhal operasyonî dewam kenê û dê bikê. Ê dê ma bê boy veradê. Pey de zî operasyona leşkerey yeno. Ez xo keni notr. Eg qabê çaresery bêrê ez herdem hazir a.” QABÊ ŞARÊ XO CUYENI “Daha verî zî mi tîya de provokasyonî vînay. Rayna heme amey mi sero. Mi vengê xo nêvet. Mi çira bersiv nêda? Çimkî merdiş çîyê de weş nîyo. Ez tîya nêbeni semedê merdişê xo. Ema ê bikişê şikyenê bikişê. Ez mecbûra ke, moralê şarê xo berz tepêşî. Qabê hêvîya azadî û aştîya şarê xo, ez wazeni daha zêd bicuyî. EWROPA HAKÎMÊ KES O “Ez behsa kesey nêkeni behsa keseya dewletan keni. Ez fikiryeni ke, Marksîzm semedê netew- dewletî biser nêkewt. No zî peyardişê modernîteya kapîtalîstey ra yo. Çepijî ney weş fam nêkerdîy. Ma no çî tim û tim weş fam nêkerd. Hilweşênayeya sosyalîzma reel a esas na yo. Rûsya de Lenîn, Çîn de Mao heme ney xetayî kerd ê. Sendîkayî, karkerî û zwb. Xizmetê kapîtalîzmî kenê. Ez vani hetanê hetanê civak mebo se, kes zî nêbeno. Kes bi civakî dûrûv geno. Ewropa kesey tenê esas geno. No tenî kemî yo. Ez vani ne ze Ewropayî ne zî ze sosyalîzma reel a ze enternasyonalîzm o. Rayna ez ne vani îqtîdar, ne zî vani federal ya zî konfederal a klasîk. Ney fikirî ez wazeni ke welatê netew, welatê demokratîk. No fikiryayiş îqtîdarî ya zî dewletî hedef nêgeno. Ma nêsabîyenê dewlet û îqtîdarî. Ez ney manayî de vani sosyalîzm. Na fikrê mi Kurdîstanî de tikey bo zî ronişteyo. Kurdî yeni qirkerdiş û zulm vînayê û berdewam keno zî, na fikir kurdan mîyan de tikeybo zî ronişte yo. Heme kes sabîyeyo dewleta-netew ra bêçaresey berz beno. Ney mijarî de, beno ke başûr de qetlîyamîy bivirazyê. Ez hişyar keni. Talabanî û Barzanî zî hişyar keni. Gramcî zano, o zî 10 serr zîndan rakewt. Ez qîmet dani fikiranê ey. Çîyê ke ez keni Gramcî keni rojev o.” TIRKÎYA DE FAŞÎZM “Şert û mecanê ke no gam ez tedeya de, esasê xo boya faşîstey ra geno. Se serro ke faşîstey ze xo ameyo ewro. Îttîhatçîy 1906 ra naşt o ardê. Temsîlkareya ey MHP û CHP keno. Xêza AKP zî tikey nermin eyseno ema xêza înan ra daha talûke yo. Ma wirdin rayîran red kenê. Rayîra hîrêyinî qebûl kenê. Yanî rayîra demokratîk o. Konfederalîzma demokratîk o, cûmhûrîyet o, welatê demokratîk o, netewê demokratîk o.” GLADÎO MI TESLÎM KERD “Ardişê min ê etya, Gladîoya Îtalyayî û ê bînan bi bandor bîy. Îngilistan de M16, Gladîoya Yûnanîstanî zaf bi bandor bî. Haw serekwezîrê Îtalya û Tirkîyayî xo bi birayey nîşan kerdîy. Wazenê ke wirdin dewletan bi qapîtalîstey bijewijyê. Galadîoya Tirkîyayî dewam keno. Îtalyayî a xo 1990 de vila kerd. Ergenekona ke, kenê vila bikê, qismê dê zaf tayn o. Hewna zaf estê. Ez ombazanê xo ê zîndanan û şarî ra selamanê xo berz keni.” STENBOL - ANF

14