Çalakiyên gelê kurd didomin

01/01/2010

Çalakiyên gelê kurd ên bi mebesta şermezarkirina operasyona li hemberî siyasetmedarên kurd bênavber didomin. Li Bismila Amedê avahiyê BDP’ê hate vekirin û çalakî hate lidarxistin. Li Êlihê Şaredarê Sêrtê Selîm Sadak û komeke pê re çûn serdana şaredariyê. Greva birçîbûnê ya li Wêranşarê pêk dihat bi dawî bû. Şaredarê Serêkaniyê Îsmaîl Aslan çû serdana Şaredariya Qoserê. 35 saziyên sivîl li ber Şaredariya Qoserê daxuyeniyek da çapemeniyê. Saziyên sivîl ên Cizîrê jî daxuyaniyek da çapemeniyê. ESP’ê li Dêrsim û Meletiyê li ber avahiyên AKP’ê girtin şermezar kirin. Karkerên Şaredariya Nisêbînê jî çalakiyek pêk anî. TMMOB’ê li Amedê nerazîbûna xwe destnîşan kir. BDP’a Elbakê bi daxuyaniyekê girtin şermezar kirin. Li Edene û Mêrsînê jî daxuyanî hatin dayîn. © Azadiya Welat