Walî Amedî wazeno bibo qral

15/01/2010

Walîyê Amedî çend roj verî sazîya Sarmaşikî ra vatibi xebata şarî nêkeno ra vera nêdabi ke şaredarî fonî ra pere bieşrawê. Xebatkaranê Sarmaşixî şîy hetê walî. Walî înan ra teklîf kerd ke, wa di bin banê SYDV (vakfa paştîdayişî û alîkerdişê civakî) de xebata xo bikê û çîyan bieşrawê kesanê feqîr ra û walî vat Sarmaşik qabê şarî xebat keno û bi fayde yo! Walî çend rojan verî qirara mahkemî vet. Qirarî de yeno vatiş ke şaredareya gird a Amedî ney ra pey nêşeno qabê 2 hezar û 300 kêyanêy feqîrîyê, pera bido sazîya Sarmaşiqî û Sarmaşik hizmetê kesanê feqîr bikero. Ney sero xebatkaranê Sarmaşik û walî Huseyîn Avnî Mûtlû pêvînayişê kerdî. Pêvînayişê ke ame kerdiş de, Şerîf Camcî, Şerîf Olçer û Paw. Meral Daniş Bektaş beşdar bîy. Walîra vaştî ke seredayişê dozgeyrayişî/yargiyî wa apeya bonco. Şerîf Camci ard ziwan, waxtê akerdişê sazî de walî bi xo vatê çîyê ke ma kenê zaf çîyê de weş o, xizmetê şarê feqîr keno. Camci walîra vato, ma verê alîkerdoxeya qilasîkî giroto û ma bi halê dê modern alîkereya şarê feqîr kenê. Fikrê paştîdayişa ma rojê tenê nîyo û şarî nêdano şermayeyiş. Ema paştîdayoxanê ke SYDV dano de, şar perîşan û sefîl o. Bê dîsîplîn çî yeno vilakerdiş. Şar pay nano şarî û alîkerdoxeya xo geno. Walî Mûtlû zî vato, ‘rayîra çaresey çiçîyo?’ pers kerd. Camci zî bersivê ey wina dayo, ‘seredayişê xo ê dozgeyrayişî tepeya boncê’ bîyo. ÇARESEREYA WALÎ Camci ard vîr û vat, ma hinî hîs kerd ke, walî wazeno alîkerdoxey û paştîdayoxanê ke Amedî de benê, wa di bin banê ey de bê. Hetê ney sazîyanê sivîlî hetê şarê xo na xizmetî weş û azad danê. Û Camci wana ard ziwan, “Eg heme alîkerdoxêy û paştîdayoxanê ke danê şaranê feqîran walî wazeno o biko se wa sazîyanê sivîl ê şarî heme xo fes bikerê.” Û wana berdewam kerd, walî mara waşt ke nameyanê kesanê ke ma paştî danê înan bidê walî. Û ney ra pey walî bi gora xo înan ra SYDV ra do paştî bide ro înan. Ma çîyê wina qebûl nêkenê. Çimkî zîhnîyeta ke heme çîyî gere walî bikero hetê ma çîno. Lazimo ke, sazîyanê sivîl bê walî xebatanê xo bikerê. Di pêvînayişî de walî Mûtlû vato ke sazîya Sarmaşikî qabê şarî bi feyde yo. Xebatanê xo weş keno bal onto. Walî waştişê rayberdoxanê sazîyî, ke ‘apeya ontişê dozgeyrayişî’ de zî vato ma do bi bi hûkûkzanan ra dê qalî bikerê û apeya biryar bidê, dayo. AMED – DÎHA