Sine – Li gor agahiyên ku Çalakvanên Mafên Mirovan li Îranê eşkere kirine, li doma sîstematîk a binpêkirina mafê mirovan li Rojhilatê Kurdistanê, hêzên Komara Îslamî di hundirê sê mehên havîna îsal de, 58 hevwelatiyên Kurd kuştine û dehan kesên din jî bi guleyan birîndar kirine.
Li gor rapora saziya parêzerê mafê mirovan, ji ber êrîşa hêz û çekdarên Komara Îslamî ya Îranê li gund û bajarên Rojhilatê Kurdistanê, bi giştî 58 hevwelatiyên Kurd hatine kuştin û 28 kesên din hatine birîndarkirin. Piraniya kuştî di navbera hêla sînorî ya Rojhilatê Kurdistanê û Kurdistana Iraqê de bûne.
Ji aliyekî din ve, her di sê mehên havîna îsal de, 76 rewşên girtina çalakvanên sivîl û hevwelatiyên Kurd bi tawan û tometên siyasî û ewlekarî hebûne ku piraniya wan bê parêzer bûn û ji 6 meh heta 25 sal siza li wan hatiye birîn. Herwiha cezayê îdamê li 14 çalakvanên sivîl û siyasî ên Kurd hatiye birîn, ku niha li benda rêveçûna biryara dasepandî ya xwe ne.
Rapora Çalakên Mafê Mirovan li Îranê eşkere dike, di havîna îsal de dehan kes ji Kurdên Rojhilatê Kurdistanê li gund û bajarên cuda di encama teqîna mayînan de jiyana xwe ji dest dane.
Serjimêriyên vê raporê tenê ji Navenda Nûçeyan yek ji partiyên Kurdistanî hatiye wergirtin, lê tê zanîn jimara kuştî, birîndar, girtî û cezaxwarî û goriyên din ên Kurd li Rojhilatê Kurdistanê bi destê dewletê gelek ji vê rêjeyê zêdetir e.
Navê beşek ji hevwelatiyên Kurd ên kuştî li Rojhilatê Kurdistanê di havîna îsal de bi vî awayî ne:
1. Şilêr Xizrî, keçek xwendekara zanîngehê ya Bajarê Pîranşar
2. Ferzad Ceşnî, kedkar û niştecihê Îlam
3. Kiyanoş Asa, xwendekarê zanîngehê yê bajarê Kirmaşan
4. Kemal Dêhqanî, cotkar û niştecihê Merîwan
5. Kawe Badigan, kasibkar û niştecihê Merîwan
6. Salih Rehîmî, kasibkar û niştecihê Nudşe
7. Elî Mhrniya, mamoste û niştecihê Pîranşar
8. Kwêstan paweyî, sivîl û ya gundê Şoşme serbi bajarê Pawe
9. Heyas mehdiyanî, sivîl û yê gundê Şoşme serbi bajarê Pawe
10. Tofîq Şakirî, sivîl û yê gundê Şoşme serbi bajarê Pawe
11. Mihyedîn Celalî, kasibkar, niştecihê Selmas
12. Enwer Iqbalî, kasibkar û niştecihê Seqiz
13. Loqman Bextiyarî, sivîl û niştecihê Bokan
14. Mehmûd Rehmanî, niştecihê Selas
15. Rehîm mehmûdpûr, kasibkar û niştecihê gundê Guringe ser bi bajarê Serdeşt
16. Şoriş Mehdîxanî, çalakê olî, niştecihê Sine
17. Sirac Mûsalo, kasibkar, niştecihê Xoy
18. Kemal mehmûdpûr, girtî, niştecihê Seqiz
19. Mame Xalidî, kasibkar, niştecihê Serdeşt
20. Rehman Xidirî Sor, kasibkar, niştecihê gundekî Serdeşt
21. Mihemed Nedîmî, çalakê siyasî, niştecihê Kamyaran
22. Bêhroz Rizanijad, çalakê siyasî, niştecihê Merîwan
23. Husên Îbrahîmê, kasibkar û niştecihê Bokan
24. Ebdula Fatimî, kasibkar, niştecihê Pîranşar
25. Kerîm Bengînî, kasibkar, niştecihê Mehabad
26. Selah mehmûdî,kasibkar, niştecihê Merîwan
27. Dilêr Gulzarî, kasibkar, niştecihê Merîwan
28. Esed mehmûdî, kasibkar, niştecihê Selmas
29. Adil Resul Qizilbaş, kasibkar, niştecihê Selmas
30. Kerîm Behramî, Kasibkar, niştecihê Şino
31. Ebas Ebdîpûr, kasibkar, niştecihê Bokan
32. Idrîs Şêxepûr, kasibkar, niştecihê Serdeşt
33. Husên Mihemedî, çalakê siyasî, Seqiz
34. Şefî Rostemcan, kasibkar, niştecihê Urmiye
35. Yusif Feqîhî, çalakê siyasî, Seqiz
36. Ramîn Sadiqî, çalakê siyasî, Kamyaran
37. Umer Mistefayî, kasibkar, niştecihê Pawe
38. Salih Xalidî, kasibkar, niştecihê Mehabad
39. Azad Berayî, çalakê siyasî, Seqiz
40. Sêyfula Dunyayî, çalakê siyasî, Seqiz
41. Hîwa Mihemedî, çalakê siyasî, Sine
42. Emîr Qadirpûr, kasibkar, niştecihê Serdeşt
43. Mihemed Mihemedî, çalakê siyasî, Kamyaran
44. Sîrwan Murad Weysî, kasibkar, Kamyaran
45. Şehram Ezîzî, sivîl, Selmas
çavkani:Rudaw
No comments:
Post a Comment